DILI – Ekipa Juvenil sub-14 husi Sao Francisco Xavier, ne’ebé antes rejistu ona iha Asosiasaun Futsal Timor-Leste (AFTL), atu kompete iha Liga Futsal Juvenil sub-14, deside rejigna aan tanba la iha ona informasaun kona-ba kompetisaun refere durante fulan 2 nia laran.
Kestaun ne’e hato’o husi prezidente klubu Sao Francisco Xavier, Francisco José Alexandre Lorapy Patrocinio Antonino ba JHD via WhatsAap kinta (14/04).
“Motivu ami resigna an mak ami nia U14 prepara kedas iha Janeiru tanba Liga Juvenil atu komesa iha fim de fevereiru ou iníciu de fulan Marsu, como la komesa deit, ami paradu tia iha treinu tanba alin U14 sira barak mak eskola lokraik, tempu laiha atu mai treinu” tenik nia
“Razão ida tan mak la iha informação durante fulan 1 ou 2 kona ba liga juvenil nia. Ami desidi atu konsentra de’it iha liga futsal primeira divisão nia, mas ba oin karik iha tan eventu juvenil ami sei tuir fali” dehan nia
hafoin rejigna aan sira mós laiha ona preparasaun tanba jogador sira estudante hotu nune’e jogador sira la iha tempu atu hala’o treinu
“Antes resigna mós ami la treinu kedas iha fulan Março klaran ho razão alin U14 mak komesa tama skola, barak mak skola lokraik, ami nia U14 treinu lokraik, orariu la apar. Ami paradu ami mós desidi resigna an” tenik nia
Nia esplika, Janeiru to’o fali início Março treinu ativu tmba skola seidauk komesa, desde kedas skola komesa barak mak la ativu ih treinu.
Enteretantu Liga Futsal Juvenil sub-14 ne’e seidauk bele realiza tanba klubu rua mak to’o oras ne’e seidauk Kompleta Dokumentu
Klubu rua ne’ebé mak seidauk Kompleta Dokumentu mak Atletiku Ailok Laran no Academica Fc
Totál klubu ne’ebé mak rejistu iha Liga Futsal Juvenil sub-14 hamutuk 13 mak hanesan Maudoko Fc, Atletico Ailok Laran, Academica Fc, Waesel Fc, Relay Laleia Fc, no seluk tan
Média JHD
