DILI — Novidade Triste Hafalun Futebool Timor-Leste liuliu selesaun nasionál sub-19, tanba lakon ona jogadór potensiál, Filomeno da Conceição Xavio (FIFI), matebian hakotu iis iha Hospital Baucau hafaoin hetan asidente iha munisípiu Baukau, postu administrativu Vemasi.
Novidade tristeza hafalun adeptus bola mania tomak no Federsaun Futebool Timor-Leste (FFTL), tanba lakon jogador avansadu potensial di’ak ida, ho naran Filomeno da Conceição Xavio ka baibain bolu (FIFI), ne’ebé mak termina ona nia jornada moris, futebolista ne’e agora dadaun reforsa klubu promovidu primeira divizaun Emmanuel Fc.
Klubu ne’ebé promove husi segunda divizaun Liga Timorense iha epoka 2021 ho estatutu hanesan Kampeaun ne’e la sees husi performa berliante, Filomeno da Conceição Xavio (FIFI).
Asaun ne’ebé mak avansadu potensial Filomeno da Conceição Xavio ne’e hatudu dada nia bá hamutuk ho ekipa selesaun nasionál sub-19 atual.
Liu husi entervista ho prezidente FFTL, Francisco Jerónimo Pereira Martins, iha kuarta (20/04) ne’e katak, jogadór Filomeno da Conceição Xavio (FIFI) durante integra aan ba futeból to’o tama selesaun nasionál.
Presidente FFTL ne’e afirma, nia treinu hahú Grace ground (ki’ik oan) iha futeból, federasaun fó formasaun ba nia.
“Ami federasaun futeból Timor-Leste triste tebes, tanba lakon jogadór potensiál di’ak ida ba futuru Timor-Leste nian, maibé ita la hatene planu maromak nian ami entrega ba maromak” dehan prezidente FFTL Francisco Jerónimo.
Ministru MAPKOMS hatete, lori FFTL nia naran hato’o sentidu kondolénsias ba família matebian, lakon jogadór di’ak durante integra iha selesaun nasionál sub-19 nian.
Prezidente FFTL informa, parte federasaun futeból koopera ho família matebian atu hola kaixaun maibé família preparadu ona.
Jerónimo promete katak, parte FFTL sei fó apresiasaun família matebian hanesan sertifikadu ba jogadór FIFI durante kontribuisaun ba futeból.
“Ami sei prepara ba kondisaun seluk, ita triste tanba ema kontente ba festa demokrasia, ikus família futeból Timor-Leste triste tebes lakon jogadór di’ak ida durante reforsa sub-19, ne’e planu maromak nian”, tenik Francisco Jerónimo.
Francisco Jerónimu hatete, ofisialmente seidauk simu informasaun husi parte seguransa, maibé simu informasaun balun katak bainhira jogadór refere fila husi votasaun atu mai Dili mak hetan asidente iha munisípiu Baukau, postu administrativu Vemasi.
Prezidente ne’e esplika, kona-ba kronolojia ka motivu husi nia mate ne’e kompeténsia Polisia Nasionál Timor-Leste (PNTL) nian.
Enteretantu matebian Filomeno da Conceição Xavio, iha nia kareira hanesan jogador Profesional durante ne’e reforsa ona klubu zigante sira iha Liga Timorense mak hanesan Academica Fc, Fitun Estudante no Emmanuel Fc.
CharllY Junior
