DILI – Selesaun Nasionál U23 perparadu ona no aban sei aranka ba Malaysia hodi hala’o treinu akompainhamentu durante loron 12 iha Malaysia no sei halo jogu amizade ho selesaun nasionál U23 Malaysia molok ba kompete Sea Games Hanoi Vietname iha fulan Maiu tinan ne’e.
“Aban ita nia selesaun nasional U-23 sei aranka ba Malaysia hodi halo training Camp ( treinu akopamentu) durante loron 12 no jogu amizade ho selesaun U-23 Malaysia iha loron 29 fulan abril 2022 hafoin ita nia selesaun nasional U-23 sei aranka ba Vietnam iha loron 4 fulan maiu tinan ne’e hodi partisipa Sea Games 2022 iha Vietnam” adjuntu sekretariu FFTL Frederico Martins ba jornalista sira iha nia knaar fatin Bairro Formosa, Díli kuarta (21/04).
Federico hatete, Jogador hamutuk 24 no ofisial nain ualu mak sei araka ba Malaysia hodi halo treinu akapamentu no jogu amizade hafoin desloka ba partisipa Sea Games 2022 iha Vietnam.
Federico haktuir, kondisaun jogador sira di’ak maibé iha jogador nain tolu mak iha kondisaun aleja kaman maibé sira sei hetan tratamentu iha Malaysia tanba federasaun sei liga ho ekipa terapia iha Malaysia para sira iha kondisaun di’ak partisipa Sea Games no husi preparasaun iha rai laran no rai liur federasaun mak sei toma konta hotu to’o sira fila fali mai Timor-Leste.
Frederico hatutan, ekipa ne’e la’ós foin mak prepara maibé preparasun hahú husi tinan kotuk kedas sira partisipa iha kompetisaun AFF U-23 no Suzuki Cup ne’ebe sira preparadu ona no jogu amizade ofisial sei kontra selesaun nasional U-23 Malaysia maibe tenta para antes jogu ofisial ne’e hala’o, sira halo jogu amizade ho klube ka ekipa ruma tanba iha durasaun loron 12 ne’ebe jogu amizade masimu ne’e rua deit, ne’ebe kontaktu ona Malaka FC karik sira labele entaun iha tan Selesaun nasional U-19 Malaysia ne’ebe prepara para kontra selesaun nasional U-23 Timor-Leste.
Enteretantu jogu Iha Sea Games tinan ne’e ekipa selesaun nasional U-23 Timor-Leste iha pool A hamutuk ho selesaun nasional U-23 Filipina, Myanmar, Indonesia no Vietnam.
ADS
