DILI – Ekipa Selesaun Nasional sub-23 husu povu Timor-Leste, atu apoiu nafatin orasaun ba sira, durante iha kompetisaun, Sea Games, iha Hanoi Vietnam, nune’e sira bele joga ho di’ak, tanba ho Povu nia orasaun ekipa Lafaek garante sei hatudu rezultadu di’ak ba Timor-Leste iha Kompetisaun refere.
Lia hirak nee hato husi Kapitaun Ekipa Sub 23, Filomeno Junior da Costa ba jornalista sira Wainhira dezloka ba Malazia, iha Airoportu Nicolao Lobato, Dili, Sexta (22/04/2022).
Kapitaun ne’e hatete, ohin loron ne’e ekipa sub 23 sei aranka ba Malazia sei hala’o jogu amigavel Ida iha ne’ebá Preparasaun 12 dias iha Malaysia atu núne’e dia 3 maiu, prepara ba Sea Games nian.
Nia haktuir ekipa ida ne’e mak foin dadauk ba kampiaun 3 lugar iha Cambodia ne’e, ne’ebé ekipa ida ne’e prepara di’ak no prontu atu hasoru jogu ne’ebé mak akontese iha Sea Games.
Nia mós lori ekipa sub 23 nia naran atu husu nafatin ba apoiu husi povu Timor Leste atu nafatin halo orasaun ba ekipa sub 23, atu nune’e bele joga ho di’ak, Jogadores sira ne’e saude bele di’ak nafatin hodi kompete jogu hirak ne’ebé mak iha Sea Games.
“Ami garante sei hatudu rezultadu di’ak ba rai doben Timor Leste no ba povu Timor Leste” tenik nia
Iha Fatin hanesan Guarda Rede Ekipa Selasaun Nasional Sub 23, Natalino Nunes Soares promete sei hatudu performa ne’ebé di’ak hanesan durante treinu iha ne’e.
“Hau mantein atu nune’e ekipa selesaun Timor Leste bele manan iha jogus sea games ida nee “
Nia haktuir durante preparasaun di’ak, no kuaze prepra ne’e fulan 2 ho balu iha ne’e.
Enteretantu jogu Sea Games iha Vietname iha fulan Maiu tinan ne’e ekipa selesaun nasionál sub-23 iha pool A hamutuk ho Filipina, Myanmar, Indonézia no ekipa uma na’in Vietname.
CharllY Junior
