DILI – Sekretaria Jerál Asosiasaun Futsal Timor Leste (AFTL), Fernando Baptista, informa, Liga Futsal Primeira Divizaun sei hahú fulan enkuantu segunda divizaun sei halu iha fulan Agostu tinan ne’e.
AFTL iha ona kalendariu tentiva loke janela tranferensia ba jogador sira iha fulan maiu no hala’o liga futsal iha fulan juñu epoka 2022
“Ita nia janela tranferensia ba jogador sira ami sei loke iha fulan maiu, divizaun dahuluk liga futsal ami sei hahú iha fulan junu no divizaun daruak ami sei hahu iha fulan agostu tuir kalendariu tentativa ne’ebé mak ami submete ona ba federasaun ne’ebé ami hein de’it aprovasaun tanba apoiu finanseiru hotu ba ami nia atividade mai husi federasaun”, Sekretariu jeral AFTL Fernando Baptista ba jornalista sira iha Bairro Formosa, Dili sesta (22/04).
Nia informa, sira mós presiza hadia kampu ne’ebe antes ne’e uza F-FDTL nian maibé iha ona opsaun seluk atu bele uza mak kampu BOP no Bebora tanba federasaun iha disponibilidade orsamentu ba hadia kampu ne’ebe mai husi UEFA (Union of European Football Associations sigla ingles) no sei iha mós kompetisaun AFF iha Tanlandia iha fulan agostu ne’ebé sei partisipa husi klube sira ne’ebé mak kampiaun liga kada nasaun hein katak liga la’o para hetan klube bele partisipa kompetisaun ne’e iha tinan 2022.
Enteretantu klubu ne’ebé atu kompete iha Liga Futsal Timor Leste primeiru divizaun hamautuk 10 mak hanesan, Ramelau Fc, Mushila Fc, Mauputar Fc, Boa Sorte Fc, Becusse United, Sao Francisco Xavier, Caesar Dante Fc, AD Samoro, Gamer Fc, no Jerman Fc.
Enkuantu klubu segunda divizaun hamautuk 14 mak hanesan, Coelho Fc, Bermeta Fc, VDL Lahane, Santa Cruz Fc, Maudoko Fc, Boavista Fc Kuda Ulun Fc, Crazy Horse, Fitun Estudante, Estrela Baguia, Baucau All Star, B’tal Fc, Kablaki Fc no Academica Fc.
ADS
