spot_imgspot_imgspot_imgspot_img
spot_imgspot_imgspot_imgspot_img
More

    Klubu Europa intersadu ho Gally, FFTL: Gally pasa iha Europa loke dalan ba jogador seluk

    DILI – Jogador Prinsipál Timor Leste Paulo Domingos Gally Freitas hetan kontratu ho Ajensia ida husi Spainol, tanba klubu barak mak intersadu ho nia, ho nune’e adjuntu sekretáriu jerál Federsaun Futebool Timor-Leste (FFTL), Federico Martins, hatete,  ‘Gally mak pasa iha Spainol ka Portugál loke dalan ba jogador sira seluk para bele ba Europa’.

    Paulo Domingos Gally Freitas ka baibain bolu “Gally” aranka ona ba Spainol iha sexta feira foin lalais tanba hetan kontratu ida husi Ajensia ida iha Spainol

    Gally rasik dadaun ne’e  iha ona Malaga Spainol halo hela try out, tanba iha Ajensia ida klubu kiik ida iha ne’eba, bolu nia halo kontratu ho nia hodi bele koko klubu boot balu iha ne’ebá.

    Gally hetan kontratu refere hafoin hatudu nia asaun iha jogu SUZUKI Cup no AFF Sub 23 iha Cambodia.

    Jogu AFF iha Cambodia Paulo Gally susesu hatudu jogu ne’ebé berliante ho ekipa selesaun nasionál sub-23, asaun ne’ebé futebolista ho idade 17 ne’e konsege lori duni ekipa selesaun nasionál sub-23 sai terseiru lugar iha eventu refere.

    Aleinde ne’e mós eis jogador AD SLB ne’e sai jogador ne’ebé mak halo dribling barak liu iha jogu AFF iha Cambodia.

    Futebolista ho idade 17 ne’e reforsa ona klubu zigante rua iha Liga Timorense mak hanesan AD SLB no oras ne’e sei iha hela klubu Lalenok United Fc.

    Liu husi entervista ho adjuntu sekretáriu Federsaun Futebool Timor-Leste (FFTL) Federico Martins, hatete, Komesa horseik nia hahú halo tryout sira tenta para semana ne’e nia laran ba try out iha Spain, depois de ida sira sei lori fali ba Portugál semana ida

    Karik Gally mak pasa iha klubu balu husi Spainol ou Portugál ne’e sei loke tan dalan ba jogador sira seluk para bele ba Europa Tanba ita hotu hatene katak jogador hotu hotu nia mehi ne’e hakarak ba joga iha Europa” dehan Federico Martins ba jornalista sira iha nia knaar fatin FFTL Formoza Dili sesta (25/04).

    Nia dehan, ne’e sei try out, no seidauk ofisiál tanba se klubu ida mak lori ba entaun tenke halo kontaktu ba iha nia klubu orijinál iha Timor mak Lalenok United, maibé tanba ne’e sei tryert i tanba kontratu Profesional iha Europa ne’e maioria tenke tinan 18 ba leten foin bele halo kontratu Profesional

    Nia esplika, Durante Gally iha Spainol mós maske seidauk iha kontratu ofisiál ho klubu maibé nia hela fatin ho nesesidade hotu Ajensia ka pemandu bakat iha ne’ebá mak sei toma konta

    Antes ne’e iha airaportu Komoro Molok futebolista Paulo Gally atu ba Spainol nia hatete, iha Ajensia balu husi Spainol mak halo kontratu ho nia hodi ba halo tryert iha Spainol

    Ha’u iha kontratu ida liu husi Ajensia ida husi Spain ne’ebé sei ba lai try lai iha ema nia rai, ne’ebé ohin loron ha’u sei hakat ona ba Spainol para atu halo ha’u nia perparasaun treinu iha klubu iha ne’ebá ” dehan Paulo Gally

    Nia Dehan iha Klubu barak mak intersadu ho nia tanba ne’e nia sei koko hotu klubu hirak ne’e

    Konba kontratu ho durasaun hira maka  Ajensia ne’e fo ba nia, Gally hatete, ne’e seidauk hatene no to’o iha Spainol mak foin hatene Klaru.

    CharllY

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img