Díli – Jogador Prinsipál Timor Leste Paulo Domingos Gally Freitas, sei la reforsa selesaun nasionál sub-23 kontra Filipina iha jogu abertura pool (A) Sea Games, maske nune’e Treinador Fabio Maciel konsidera, La iha Gally La influénsia Ekipa Lafaek.
Selesaun Nasionál Sub-23 sei hala’o primeiru kontra adversáriu Filipina, ne’ebé sei hala’o iha loron 6 fulan maiu ne’e.
Iha jogu dahuluk ne’e ekipa Lafaek sei la reforsa ho jogador estrela Timor-Leste, Paulo Domingos Gally Freitas, maske sem prezensa Paulo Gally Treinador selesaun nasionál Fabio Maciel hatete jogador suplente sira di’ak hotu nune’e la influénsia ba ekipa.
“Enjeral jogador Sira Diak los, Ita iha jogador balun Ladun Diak hafoin Malaysia mas Ita iha jogador reserva Ida Diak mos. Tan ne’e sei la influensia ba ekipa” dehan Fabio ba Jornalista sira via telefone kinta (05/05).
Treinador ne’e hatete, Perparasaun Ekipa Lafaek nurak atu kompete iha jogu Sudeste Aziatiku (Sea Games) ne’e di’ak tebes
“Ita iha treinu loron 10 no Jogu amigavel Ida kontra Malaisya, no konsege manan. Ida ne’e importante los Tan kuaze semana Rua laiha Jogu ofisial. Esperansa Aban halo Jogu Diak, naturalmente resultadu mos Diak” haktuir Fabio
“Serteja Jogador importante Sira iha ninia kontribuisaun ba ekipa. Gali jogador importante Ida mos” Fabio tenik.
Antes ne’e Timor Leste halo ona jogu amigvel ho Malaysia no Timor Leste konsge hatudu rezultadu pozetivu tanba konsge manán ho score 2-1 maske sem prezensa Paulo Gally.
Enkuantu iha jogu abertura ne’e la hetan partisipasaun husi jogador prinsipál Paulo Gally tanba jogador refere hala’o hela trail iha Spainol.
Iha jogu Sudeste Aziatiku ne’e ekipa Lafaek Timor-Leste iha pool (A) hamautuk ho Indonézia U-23, Filipina, Myanmar, no Vietnam.
DVO
