DILI – Atleta Timor oan hamautuk na’in 38, husi Modalidade 6 hala’o despedida ho Primeiru Ministru Taur Matan Ruak hodi ba partisipa iha jogu Sudeste Aziatiku (Sea Games) ba dala 31 iha ne’ebé mak sei hala’o iha Hanoi, Vietnam, iha loron 12 to’o 23 Maiu.
Ohin Sekretáriu Estadu Joventude no Desportu Abrao Saldanha hamutuk Prezidente Konfederasaun Desportu Timor-Leste (CDTL), no Vise Komité Olimiku Nasionál Timor Leste (CONTL) Mateus da Cruz hamautuk ho atleta kontijente Timor Leste hala’o despedida ho PM Taur Matan Ruak hodi tempu badak aranka ona ba eventu internasional ne’e.
Sekretáriu estadu Juventude no Desportu Abrao Saldanha, hatete, Lori Juven pratikante Desportu nia naran no atleta nia naran hato’o agradasementu bá premeru Menistru Taur Matan Ruak nia desponiblidade atu husik hela Atleta kontejente Timor Leste ne’ebé atu Partesipa iha jogu Aziatiku tinan ida ne’e iha Vietnam.
“Nai Premeru Menistru atualiza de’it mai ita katak, tinan ida ne’e ita nia reprezentante Timor Leste nian hamutuk atleta 38 kompostu husi Atletismu, Taekwondo, Boxing, Natasaun, Kara-tedo, Hartelofilismu no Futebol” dehan SEJD Abrao Saldanha liu husi nia diskursu iha seremonia despedida iha Palacio Governu Dili kinta (05/05).
“Atleta Futebol sira agora dadauk ne’e hamutuk 25 iha ona iha Vietnam tanba sira halo perparasaun iha Malazia“
Nia afirma, Premeru Menistru iha duni defikuldade balun atu perpara sira atu sai husi ita nia rai tanba ita hatene katak iha tinan kotuk ita kuandu perpara orsamentu ne’e ita ho espostu ida katak ita iha Covid nia laran, maibé esforsu tomak Confederasaun Desportu Timor Leste (CDTL) nian ho Comité Olimpicu Nasionál Timor Leste (CONTL) ita konsege duni lori sai atleta sira ne’e atu reprezenta ita Timor nia orguliho bá eventu regional ida ne’e.
Membru Governu ne’e relata, Premeru Menistru atualiza mós mai ita katak, depois tinan hira ne’e ita avalia setor Desportu saida mak husu ba Federasaun katak agora ne’e la’ós ona Partesipasaun, maibé agora la’o neneik no hatudu ona kompitisaun
Iha fatin hanesan Primeiru Ministru Taur Matan Ruak, afirma, ha’u kontente rona sekretáriu estadu nia liafuan dehan ita tenke kompete, 20 de Maio agora ita Kompleta ona ba tinan 20 entaun ha’u orgulu, tempu ona para ita kompete
PM Taur esplika , Naturalmente iha Kompetisaun ida ne’e, kuandu ita dehan kompete ne’e signifika treinu no investimentu kualidade, entaun ha’u kontente tanba halo selesaun, di’ak liu entre sira ne’ebé di’ak liu, Ita-Boot sira reprezentanta Timor iha Sea Games Vietname
PM haktuir, Atu projeta Nasaun Timor Leste Atleta sira mak povu Timor-Leste nia orgulu tanba ne’e tenke valoriza ema Mellor no labele valoriza fali ema ne’ebé mak ita hili no Timor labele akontese ida hanesan ne’e independentemenete ema ne’ebé mak Mellor Timor Leste tenke dudu nia bá oin.
Nia dehan, Atleta sira nu’udar reprezentanta Timor Leste, tanba ne’e Timor tomak iha atleta sira nia kotuk tanba ne’e husu ba atleta sira atu esforsu hodi reprezentanta Timor Leste
“Sukat ita nia aan ita to’o iha ne’ebe no saida mak ita bele halo, tanba ha’u fiar imi bele reprezentanta Timor di’ak liu, ha’u reza para matebian sira tulun nafatin imi, la’ós de’it durante viajen maibé durante jogu sira to’o imi fila fali mai imi nia saúde di’ak disiplina makas rona Treinador sira” dehan PM Taur.
“Imi nia susesu, ita nia susesu mak nasaun nia susesu, ohin imi reprezentanta ami tomak 1.5 miloens ne’e, balu imi lakon sira tanis signifika sira fiar imi, tanba ne’e ha’u fó parabens ba imi” PM Taur tenik.
PM Taur mós, husu ba atleta sira atu keta haluha 20 anos aniversariu restaurasaum Timor Leste nia independensia
Partisipasaun Timor Leste iha jogu sira ne’e importante tanba rai barak seidauk hatene ita nia rai tanba ne’e Timor Leste labele falta independentemenete ne’e rezultadu no ita mós hatudu ita nia Bandeira iha ema nia rain.
Ikus liu PM Taur mós, Lori Prezidente Repúblika fó parabeniza kontijente sira atu reprezentanta Timor Leste no Boa Sorte i aluta kontinua labele haluha halo esforsu masimu iha eventu internasional ne’e.
Eventu refere sei partisipa husi Nasaun 11, ne’ebé atleta husi nasaun ida-idak mai ho modalidade oi-oin. Nune’e mós jogu sei hala’o durante semana rua hahú husi loron 12 to’o 23 fuan Maiu tinan ne’e.
Enteretantu Timor Leste sei partisipa iha jogu Sudeste Aziatiku (Sea Games) ne’e ho Modalidade 7 ho nia atleta hamutuk 52 kompostu husi Modalidade Taikondow, Natasaun, Boxe, Atletismu, Karate-do, Halterofelismu, no Futebool.
DVO
