Dili – Klube Sadakata Fc Interesante los, ba Jogador Selesaun Nasionál Eufraziu no Ruben, nia jogu durante partisipa iha Jogu AFF Futsal Championsip, ne’ebé hala’o iha Tailandia, fulan abril, tinan ne’e.
Novidades foun ba selesaun nasionál Futebool salaun Timor Leste, ne’ebé reprezenta Timor-Leste, hatudu performa di’ak iha ema nia matan, nune’e jogador na’in rua Ruben Faria Borges no Eufrajiu Amaral Soares, hetan Konfiansa husi Klube estrageiru ida iha Indonesia.
Sadakata FC nu’udar klubu ida husi aceh Indonézia ne’ebé mak kompete iha Liga Futsal Profesional Indonézia, interesadu atu halo trail ho jogador na’in rua ne’e, tanba hatudu prestasaun jogu iha kampu, nune’e mos hatudu tékniku atraktivu tebes, hasoru nia adversáriu iha Kompetisaun AFF Futsal Championsip 2022.
Ho kapasidade skill no talentu Timoroan, na’in rua ne’e, konsege atrai Klube estrageiru husi Indonesia, ne’ebé dadaun ne’e, Klube refere, haruka pedidu direita ba FFTL.
Maske Timor-Leste iha faze primeiru de’it elimina no la hakat ba faze tuir mai, maibé selesaun nasionál Eufrajiu no Ruben, monu iha Klube estrageiru nia matan, ne’ebé klubu haruka ona karta ofisiál ida mai iha FFTL, husu atu jogador na’in rua, sei ba koko joga iha Klube refere.
Sekretáriu Jerál Asosiasaun Futsal Timor-Leste, Fernando Batista, informa, Desde inisiu Timor Leste hala’o try out husi Tailandia, ekipa adversariu apresia ho Selesaun Nasionál nia performa, tanba tinan hira ba kotuk, Timor-Leste Leste partisipa iha eventu ne’e, sempre derrota ho golu barak, maibé selesaun nasionál iha tinan ne’e, marka diferensa oituan, tanba Klube estranjeiru balun, konsege fo apresiasaun ba Timor oan nia jogu ne’e.
“Klubu hakarak los, ba jogador selesaun nasionál ne’e, mak hanesan Eufrjiu Amaral no Ruben Faria, ne’ebé mak klubu Sadakata Fc, husi Liga Profesional Indonézia halo ona pedidu” Sekretáriu Jerál (AFTL) Fernando Batista bá JHD iha nia knaar Fatin Formoza Dili tersa (03/05).
Fernando relata, dadaun ne’e, FFTL simu ona pedidu refere.Ho nune’e klubu sei kordena ho Federasaun, atu bele fasilita jogador istimadu ho naran Eufrajiu no Vava, hodi bele ba koko joga iha Klube Sadakata FC, mak iha duni interese ba jogador na’in rua ne’e, mak sei hakat ba prosesu atu hetan kontratu.
Antes iha jogu Pra Liga Futsal Eufrjiu Amaral joga iha klubu Mushila Fc, no Ruben Faria joga iha Mauputar Fc
Enteretantu Durante ekipa selesaun nasionál Futsal Timor Leste, estadia iha Tailand hodi kompete iha eventu AFF Futsal, ne’e Timor Leste iha grupu (B) hamutuk ho Austrália, Vietnam, Myanmar
DVO
