DILI – Prezidente Asosiasaun Futebool Munisípiu Covalima (AFMC), Agostu Henrique apresia ho klubu Boavista Fc Timor ne’ebé, loke liras to’o Munisípiu hodi realiza eventu Boavista Cup.
Jogu Boavista Cup ne’e abertura ona iha loron 30 fulan Abríl, iha kampu Futebool Ladin Munisípiu Covalima, no eventu Boavista Cup ne’e hetan partisipasaun masimu husi klubu hamautuk 16 iha Covalima.
Prezidente Asosiasaun Futebool Munisípiu Covalima (AFMC) Agostu Henrique, deklara, nia parte iha konesementu ba eventu Boavista Cup, tanba iha internal Boavista ko’alia ho grupu joventude.
Nia relata, bazeia ba estatutu artigu 10 membru mak Juventude sira, tanba Boavista iha ne’e konsulta malu ho joventude balu iha Munisípiu Covalima.
Nia dehan, Maske Asosiasaun nu’udar tutela ba Futebool maibé Asosiasaun la iha buat ida hodi fó asistensia ba eventu Boavista Cup.
“Boavista ekipa zigante iha Timor mak Loke liras ba Munisípiu ne’e kapás loos” dehan prezidente AFMC Agostu Henrique ba Jornalista sira iha FFTL Dili kuarta (04/05).
Prezidente AFMC ne’e relata, Intensaun Boavista nian ne’e di’ak tanba labarik sira lubuk ida, me’ebé agora abandona hela, sira iha talentu maibé Asosiasaun labele halo buat ida tanba Asosiasaun la iha osan
Agostu akresenta, Kualker eventu ida ne’ebé fasilita husi klubu zigante iha Timor ba Munisípiu sira prontu hodi simu
Enteretantu Tuir kalendariu eventu Boavista Cup ne’e sei termina iha loron 30 fulan Juñu tinan ne’e.
DVO
