Dili – Prezidente Asosiasaun Futebool Munisípiu Covalima (AFMC), Agostu Henrique, informa, tempu besik sei organiza jogu Sub-16 iha Munisípiu Covalima.
“Planu ba jogu 2022, agora ita planu hela U-16 iha Munisípiu Covalima, agora dadaun ita organiza hela ekipa tekniku hodi identifika klubu sira ne’ebé tama kategoria Asosiasaun ninia” dehan prezidente AFMC Agostu Henrique ba Jornalista sira iha FFTL Formoza Dili kuarta (04/05).
Nia deklara, sira iha Tasa Rotativa iha tinan kotuk Federsaun fo apoiu hala’o atividade jogus iha Munisípiu Covalima no ekipa ne’ebé partispa iha ne’ebá ne’e hamautuk 23 klubu sira ne’e idenfikadu sira ne’e tama kategoria Asosiasaun nian.
Tanba klubu 23 ne’ebé mak antes ne’e partisipa iha sira iha prezidente ne’ebé responsabel ba klubu, tanba ne’e mak Kriteria hirak ne’e mak dadaun ne’e sira uza, hanesan rekezitus ida hanesan jogus Munisípiu.
Konba Orsamentu prezidente AFMC ne’e esplika, tuir proposta ne’ebé mak sira hatama kada 5.000.00 dólar Amerikanu.
DVO
