DILI – International Tennis Federation (ITF sigla ingles) hala’o vizita dahuluk mai Timor-Leste, hodi haree dezenvolvimentu Federasaun Tenis Timor-Leste (FETTIL).
Federasaun Tennis Timor Leste, sai ona membru ba Internsional Tennis Frderation (ITF), iha fulan Janeiru tinan ne’e ho nune’e ITF hala’o vizita mai Timor Leste hodi observa dezentendementu FETTIL iha Timor Leste.
“ITF vizita Timor-Leste ida ne’e hanesan ba dahuluk tanba (FETTIL) sai membru ITF iha fulan janeiru 2022 ne’ebe hau mai iha ne’e atu haree situasaun dezenvolvimentu tennis iha nasaun ida ne’e no ha’u fo kursu ba treinador sira oinsa treinu labarik kiik ka junior sira” ITF development officer South and East Asia Jonathan Stubbs ba JHD iha edifisiu FETTIL Caicoli, Díli segunda (2/05).
Jonathan hatutan, Timor-Leste sai membru iha ITF ne’ebe hamutuk nasaun 111 ne’ebé ba futuru ITF sei ajuda dezenvolve tennis iha nasaun liu husi ajuda fasilidade tenis kampu nian, halo kompetisaun hodi hetan atleta barak di’ak liu no hetan treinador di’ak mós ne’ebe nia sei observa iha loron neen nia laran ne’ebé Timor-Leste presiza saida atu ajuda iha futuru no kursu ba treinador sira mak oinsa hanorin atleta idade kiik ka junior sira durante loron haat nia laran.
Iha fatin hanesan prezidente FETTIL Aniceto Alves hatete, ITF hala’o vizita ba Timor-Leste tanba FETTIL sai ona membru ba ITF iha fulan janeiru liu ba, prezensa ne’e mos husu FETTIL kontratu ema ida sai koordenador ba Júnior Tennis Initiative (JTI) no fo mos kursu ba treinador sira.
“Ami hetan vizita husi ITF tanba Timor-Leste sai membru iha fulan janeiru 2022 ne’ebe ITF mos husu ami atu kontratu ema ida sai koordenador ba Junior Tenis Initiative (JTI) no prezensa ITF iha ne’e sei fo formasaun ba treinador sira hamutuk nain-15 ne’ebe antes ne’e haruka modul mai para ita nia treinador sira estuda no sei fo pratika treinador sira iha kampu“, prezidente hateten.
Prezidente esplika liu tan, ITF nia prezensa Timor Leste, bele haree direita kondisaun FETTIL nian iha Timor-Leste no oinsa dezevolvimentu tenis kampu iha Timor-leste no infrastrutura ne’ebé federasaun hein katak depois nia vizita federasaun hetan ajuda di’ak iha futuru.
ADS
