Dili – Adjuntu Sekretáriu Jerál Federsaun Futebool Timor-Leste (FFTL), Federico Martins, informa, vizita trofeu Kopa Mundiál mai Timor Leste sei fó motivasaun ba Jogador sira.
Trofeu Kopa Mundiál ne’e sei to’o iha Timor Leste iha loron 11 de Juñu.Trofeu ne’e to’o iha airaportu Nicolau Lobato iha 11 : 30 OTL.
Depois lori kedas trofeu Kopa Mundiál ne’e ba Palacio Prezidente. Tanba Trofeu Kopa Mundiál ne’e sensetivu no prezidente Repúblika de’it mak bele kaer, hafoin ida nee kontinua kedas ba Estadion Munisipal Dili
Horseik FFTL hala’o ona enkotru ho SEJD, hodi ko’alia kona-ba perparasaun atu simu trofeu Kopa Mundiál ne’ebé mak sei mai vizita Timor Leste.
Maske Trofeu refere iha de’it oras 3 ou 4 nia laran maibé FFTL ho SEJD sei simu ho perparasaun masimu hodi fo oportunidade ba Futebool mania sira iha Timor Leste bele akompanha iha Estadion Munisipal Dili.
“Trofeu Kopa Mundiál ne’e sempre vizita ba nasaun ne’ebé mak pasa Kopa Mundiál, no nasaun ne’ebé mak la pasa Kopa Mundiál, ne’e hanesan motivasaun ida ba ita nia jogador sira tanba ita seidauk sente bainhira mak nia Timor” tenik adjuntu sekretáriu FFTL Federico Martins ba jornalista sira iha nia knaar FFTL Formoza Dili (04/05).
“Hanesan ita hotu hotu hatene katak Kopa Mundiál ne’e sensetivu tebes ema ne’ebé mak iha direitu para atu kaer Kopa Mundiál ne’e mak Prezidente Repúblika de’it“
Iha enkotru entre FFTL ho SEJD ne’e rua ne’e sei fahe servisu no parte SEJD sei komunika Konba asuntu governu nian, no FFTL sei hare ba asuntu FIFA nian
Adjuntu Sekretáriu ne’e explika, Tuir loloos atu halo convoi maibé tempu mak la to’o entaun FFTL deside konsentra de’it iha estadion Munisipal Dili depois remata iha estadion Munisipal Dili mak fila fali ba airaportu depois trofeu refere husik ona Timor
Kona-ba perparasaun atu simu trofeu Kopa Mundiál ne’e adjuntu sekretáriu ne’e hatete, sira perpara ona 25%, tanba husi formasaun estrutura ne’e sira sente katak bele organiza eventu ida ne’e
Enkuantu, Kopa Mundiál sei mai ho delegasaun husi FIFA hamautuk nain 8
Antes ne’e Prezidente FFTL Francisco Jerónimo halo Kordenasaun ho prezidente eleitu José Ramos Horta hodi tau ba ajenda relasiona ho vizita Kopa Mundiál refere.
Enteretantu Kopa Mundiál tinan ne’e, Qatar mak sei sai uma na’in ba jogu nivel altu tinan 4 dala ida ne’e, no sei partisipa husi nasaun 32 husi kontinente Ázia, Áfrika, Amérika, no Europa.
DVO
