DILI – Sekretáriu Jerál Federsaun Futebool Timor-Leste (FFTL), Grigorio Correia sei la autoriza jogador Futsal ba joga fila fali kampu Futebool.
Sekretáriu Jerál FFTL Grigorio Correia hato’o lai Kestaun ne’e liu husi nia diskursu hodi loke abertura ba Tasa Futsal Sub-14 iha kampu Futsal iha Habibie Bidau sexta (06/05).
Maske jogador sira sei idade nurak maibé sekretáriu jerál FFTL ne’e lakohi jogador sira ne’ebé joga ona iha Futsal labele ba joga tan iha kampu boot.
“Ha’u hakarak Futsal ne’e Futsal loos de’it labele mete kampu boot, Ha’u hatene ida por ida se mak hakarak ba kampu boot ha’u sei la Autoriza para nia bá” tenik Grigorio
Grigorio eknokoraza, klubu na’in sira atu iha ona Futsal labele ba tan kampu boot ne’e joga sei la di’ak.
Sekretáriu Jerál FFTL ne’e fo ezemplu joga iha kampu boot diferente ho kampu Futebool tanba iha Futebool jogador sira hein bola maibé Futsal la’ós hein bola maibé book aan nafatin hodi buka buka bola, tanba ne’e jogador hakarak kampu boot nafatin iha kampu boot hakarak iha Futsal naftin iha Futsal labele mete hotu.
Enteretantu iha seremonia abertura Tasa Futsal ne’e hetan partisipasaun masimu husi dirijente klubu 12, AFTL ho nia estrutura no mós sekretáriu jerál FFTL ne’e mós Amantes Futsal sira hotu no hetan apoiu seguransa husi PNTL
DVO
