DILI – Tinan ne’e, Timor Leste sei partisipa Eventu ASIAN Para Games, iha Solo Indonézia, núne’e Governu liu husi Sekretáriu Estadu Joventude no Desportu (SEJD) preve orsamentu $38.410 Mill ba Perparasaun Atleta sira.
Ohin loron sabadu (07/05) Sekretáriu Estadu Joventude no Desportu (SEJD) hamautuk ho Komité Paralimpiku Nasionál Timor Leste (CPNTL), Ofisialmente lansa ona perparasaun ba Modalidade 3 mak hanesan Atletismu, Tennis Meza no Powerlifting hodi perpara ba kompete iha ASIAN Para Games iha Solo Indonézia.
“Lansamentu ohin ne’e importante tebes ba ita nia Federsaun tolu 3 mak hanesan Atletismu, powerlifting, no table tennis federasaun tolu ne’e atleta hamutuk 14 mak selesionadu sei ba kompete iha Asea Games Solo – Indonesia” dehan sekretáriu jerál Comite Paralimpiko Nasionál Timor Leste (CPNTL) José da Silva Monteiro ba Jornalista sira iha Ginaziu DILI.
Iha fatin hanesan Sekretáriu Estadu Joventude no Desportu ne’ebé reprezentanta husi Diretora alta no kompetisaun Maria Luiza Monteiro, hatete, lansamentu ohin ne’e governu liu husi SEJD iha komitmentu atu apoiu ba Modalidade sira hotu ne’ebé mak hamahan aan iha liu liu Modalidade 3 hanesan Atletismu tenis table no powerlifting hodi halo perpasaun ba kompete iha Sea Pra Games iha Solo Indonézia.
“Ha’u hanoin katak orsamentu ne’ebé preve ba halo perpasaun ne’e rasik $38.410 ba halo perparasaun” tenik Diretora Luiza
Diretora ne’e informa, ba atleta sira atu esforsu ann no perpara mental atu kompete tanba agora ba atu kompete la’ós atu partisipa.
Enteretantu Atleta hirak ne’e sei desloka ba Solo Indonézia iha fin de fulan Juñu tinan ne’e.
Enteretantu Asian Para Games ba dala 11 ne’e sei hala’o iha Solo Indonézia no sei hahú iha loron 20 to’o 31 Jullu tinan ne’e no sei partisipa husi nasaun 11 iha reziaun Ázia.
DVO
