DILI – Relay Laleia Fc susesu halakon nia ekipa adversariu Atletiku Ailok Laran ho score 3-2 iha jogu abertura pool (A) Tasa AFTL Futsal Sub-14, 2022 mak hala’o iha kampu Futsal Habibie sexta (06/05).
Iha insiu primeira parte ekipa Relay Laleia Fc ne’ebé mak domina bola, Atletiku Ailok Laran kontinua jogu ho kalma no Atletiku Ailok Laran halo golu supreza ida liu husi jogador, Natizo Alves, hodi muda score ba 1-0.
Ho score refere halo ekipa rua kontinua halo kontra atake ba ho agresivu maibé la iha tan golu rua to’o termina jogu primeira parte score mantein 1-0.
Kontinua ba segunda parte w rua kontinua lansa kontra no ataka ba malu ho nune’e tama ba iha minutu 19 Atletiku Ailok Laran marka tan golu ida hodi haboot liu tan score ba 2-0.
Hela ho score 2-0 halo ekipa Relay Laleia Fc hahú sai husi knuuk hodi halo kontra no ataka ho nune’e tama ba iha minutu 22 Relay Laleia Fc konsge responde golu ida hodi hamihis score ba 2-1.
Liu de’it minutu 2 Relay marka tan golu ida hodi halo empata score ba 2-2 liu husi jogador Francisco cardozu.
Relay Laleia Fc lídera hikas ho score 3-2 iha minutu 27 hodi, ho score refere mantein to’o oras termina vitória ba Relay Laleia Fc
Hafoin remata Treinador Relay Laleia Fc Pociano da coata Ribeiro, hatete, iha inisiu Primeira parte sira derota tanba jogador sira nia mentalidade mak seidauk di’ak.
“Relasiona ho jogu ohin Ami hetan failansu uitoan iha mentalidade tanba alin Sira foin mai husi foho, entaun sira seidauk toman ho jogu ne’ebe rame“,
Nia dehan, tama ba segundu parte komesa mudansa ba tekniku nune’e sira bele hetan scoor 3-2.
Nia hateten, jogu tuir mai prepara nafatin no hakaas aan liuliu mentalidade jogu di’ak ona maibe mentalidade sei fraku hela.
Enkuantu Jornalista sira tenta atu halo entervista ho Treinador Atletiku Ailok Laran maibé lakohi fó komentáriu.
Husi rezultadu vitória ne’e lori ekipa Relay Laleia Fc, okupa Primeiru tabela klasifikasaun provizoriu ho pontus 3 enkuantu Pool (A) iha ekipa 3 mak hanesan Relay Laleia Fc Atletico Ailok Laran no Boa Sorte.
DVO
