Dili – Jogu Kontinuasaun Tasa Asosiasaun Futsal Timor-Leste (AFTL) Juvenil sub-14, pool A entre ekipa Boa Sorte Fc, kontra Atletico Ailok Laran terima ho score 2-2.
Duelo entre ekipa rua ne’e hala’o iha kampu Futsal Habibie domingu (08/05), iha insiu jogu ekipa Boa Sorte ne’ebé mak hatudu jogu di’ak konsge domina bola hodi lansa suta fila fila ba rede Atletico Ailok Laran.
Relasiona ho diminante bola ne’e konsege hatudu rezultadu pozetivu iha minutu 3, hafoin, Octavio Castro, marka golu ida hodi lori nia ekipa Boa Sorte Fc lídera ho score 1-0.
Ho score refere jogu kontinua manas tan ho nune’e tama ba 11 Sorte di’ak monu ba ekipa Boa Sorte Fc hodi haboot score ba 2-0, liu husi jogador, Charles, ne’ebé aproveita bola baruilu iha grande area Atletico Ailok Laran nian. no ho score refere mantein to’o termina jogu primeira parte.
Kontinua ba jogu segunda parte ekipa Atletico Ailok Laran, hahú jogu intensidade ne’ebé aas ho núne’e jogu segunda parte foin hala’o de’it minutu 3 Atletico Ailok Laran konsege marka golu ida hodi hamihis score ba 2-1 liu husi jogador Fredison Braz.
Ho score refere halo jogu kontinua manas liu tan hodi atrai adeptus hadomi Futsal ne’ebé asiste jogu refere, no halo ekipa Atletico Ailok Laran fiar aan hodi halo kontra atake hasoru Boa Sorte Fc, ho nune’e liu de’it minutu ida Atletico Ailok Laran marka tan golu ida hodi hatuur score ba 2-2.
Rezultadu ne’e halo ekipa rua kontinua halo presaun ba malu hodi lansa no kontra ataka ba malu maibé la iha tan golu ruma mak akontese too termina jogu segunda parte score mantein 2-2.
Hafoin remata jogu Treinador Boa Sorte Fc, Rafael Fatima Soares, hatete, nia parte satisfas ho rezultadu refere tanba ne’e mak nia ekipa nia esforsu.
Treinador ne’e rekonese, katak Boa Sorte iha jogu ne’e faila iha komunikasaun tanba sira foin joga hamutuk.
“Ba jogu tuir mai ami sei hadia di’ak jogu ohin nune’e ami bele hakat ba 8 finais” tenik nia
Enteretantu jogu ne’ebé mak hala’o de’it ho tempu minutu 30 ne’e la hamate espiritu kompetetivu labarik sira nia hodi hatudu sira nia skiil no talentu ne’ebé mak sira iha.
Enkuantu husi rezultadu empata ne’e lori ekipa Relay Laleia Fc, mak sai hanesan klubu dahuluk ne’ebé mak hakat ba 8 finais Tasa Futsal Juvenil Sub-14 ho pontus 3. Enkuantu ekipa Boa Sorte Fc Okupa iha segunda klasifikasaun ho pontus 1 husi jogu dala 1 no Atletico Ailok Laran okupa iha terseiru klasifikasaun ka ikus liu ho pontus 1 husi jogu dala 2 empata ida no derota dala 1.
DVO
