DILI – Ohin Timor-Leste husik ona nia kontijente hamutuk 25 atu ba partispa iha jogu Sudeste Aziatiku (Sea Games) ba dala XXXI, iha Hanoi, Vietnam, nune’e Prezidente Konfederasaun Desportu Timor-Leste (CDTL, sigla portugés) Macario F Sanches, husu ba Povu Timor-Leste tomak atu fó Orasaun, hodi nune’e atleta sira bele hatudu rezultadu di’ak iha kompetisaun ne’e.
“Ohin ekipa Timor-Leste aranka ba Vietnam atu partisipa Sea Games 2022 ne’ebe ita husu ba povu Timor-Leste atu fo orasaun no korajen ba atleta sira ne’ebe sei kompete iha eventu ne’e, bele fo rezultadu pozitivu no orgullu ba Timor-Leste inklui fo orgullu ba aniversariu nasaun Timor-Leste ba da-20 ne’ebe sei selebra restaurasaun independensia iha loron 20 Fulan maiu tinan ne’e ne’ebé sei fó prova mai ita katak ezistensia nasaun ne’e nu’udar independente no fó rezultadu dezenvolvimentu desportu iha Timor-Leste“, prezidente CDTL Macario F Sanches ba jornalista sira Iha nia knaar fatin Caicoli, Díli segunda (9/05).
Iha Sorin seluk atleta selesionadu Federsaun Atletizmu, Feliberto de Deus, kompromete sei hatudu jogu di’ak hodi hamorin Timor Leste nia naran, iha eventu refere.
“Ami reprezenta Timor-Leste nia naran ba Sea Games 2022 iha Vietnam ne’ebe ami fiar an katak sei hamorin Timor-Leste iha kompetisaun refere no esperansa katak sei hatudu rezultadu diak iha eventu ne’e tan husu ba povu Timor-Leste fo nafatin suporta mai mai tan hanesan Timoroan ne’ebe lori nasaun nia naran kompete iha Sea Games garante katak sei lori medalla maibe sei iha nakukun laran ne’ebe iha kompetisaun nia laran mak sei haree rezultadu ba medalla ne’e“, Felisberto tenik.
Delegasaun Timor-Leste ne’ebé ohin atu aranka ba Vietnam hodi partisipa Sea Games 2022, ne’e to’o iha Aeroportu internasional Nicolau Lobato iha tuku 12:22 meudia hodi halo kedas check-in ne’ebé sira nia viazen ba ho aviaun Citilink ne’ebé tuir orariu semo sai husi Timor-Leste iha tuku 13:00 ba Malaysia kontinua ba Singapura hafoin sei to’o ba Hanoi, Vietnam.
Delegasaun Timor-Leste ne’ebe ohin desloka ba Vietnam hodi partisipa Sea Games 2022 kompostu husi husi modalidade (6) mak hanesan Taikondow, Karate-Do, atletizmu, boxing, Natasaun, Hit Besi.
Taikondow 6, Karate-do 2, Atletismu 4, Boxing, 3, Natasaun 2, no hit besi 1, husi modalodade neen ne’e kada ofisiál ida mak tuir hodi fó orientasaun.
ADS