Dili – Golu rua husi Niavldo, susesu lori Ekipa Juvenil sub-14 Boa Sorte Fc, hakat ba Semi Final, hafaoin halakon nia ekipa adversariu Waesel Fc, iha Quatro finais jogu kontinuasaun Tasa AFTL Futsal Sub-14.
Duelo entre ekipa rua ne’e hala’o iha kampu Futsal BJ Habibie, Dili, sabadu (14/05), ekipa rua ne’e lansa kedas kontra atake ba malu deside kick off primeira parte, maibé ekipa Boa Sorte Fc, ne’ebé hatudu ritmu jogu ne’ebé aas konsge domina bola hodi lansa uluk golu ida liu husi jogador, Nivaldo, iha minutu 2, hodi hatuur score ba 1-0.
Ho golu ne’e halo atmosfera Jogu sai manas liu tan, ho núne’e tama ba iha minutu 12, ekipa Waesel Fc, responde hikas tolu ida hodi halo balansu score ba 1-1, iha minutu 12.
Maske ekipa rua mantein lansa kontra no ataka ba malu maibé la iha tan golu ruma mak akontese to’o termina jogu primeira parte score mantein 1-1.
Kontinua ba jogu segunda parte ekipa rua ne’e lansa kedas kontra atake ba malu hodi hadau bileti 4 fianis nian, tanba jogu refere, sistema bota fora ka lakon sai.
Maibé ekipa Boa Sorte Fc ne’ebé mak hatudu sira nia jogu bonitu, liu husi ain ba ain konsege marka golu uniku liu husi jogador, Nivaldo, iha minutu 23 hodi hatuur score ba 2-1.
Ho golu ne’e halo jogu sai manás liu tan liu husi kontra no ataka ba malu maibé la iha tan golu ruma mak akontese to’o termina jogu segunda parte vitória ba Boa Sorte Fc, ho score 2-1.
Husi rezultadu vitória ne’e lori ekipa Boa Sorte Fc, hakat ba Semi Final Tasa Futsal AFTL Sub-14.
Enkuantu ekipa Waesel Fc, Obrigadu tenke elimina husi Tasa Futsal AFTL Sub-14, tanba jogu refere ho sistema bota fora ka lakon sai
DVO
