DILI — Ekipa Juvenil sub-14, Academica Fc, susesu hakat ba Semi Final hafoin manán ho festa golu 9-1, kontra Baucau All Star iha jogu kontinuasaun Tasa Futsal AFTL Sub-14 faze 4 finais.
Duelo entre ekipa rua ne’e hala’o iha kampu Futsal BJ Habibie Dili, Domingu, (15/05), iha inisiu jogu ekipa, Academica Fc, tun kedas ho ambisaun hodi rekolla vitória, maibé sorti di’ak monu ba ekipa Baucau All Star hodi lídera uluk ho score 1-0, liu husi jogador Venceicao da Silva.
Hela ho score 1-0 la hamate espiritu kompetetivu jogador Academica Fc, hodi hatudu sira nia skill, liu husi asaun individual no asaun ekipa hodi lansa kontra no ataka ba ekipa Baucau All Star, ho núne’e ekipa Academica Fc konsge marka golu 5 guist malu liu husi jogador, Lucio Ximenes, iha minutu 6, Hermanio da Silva, minutu, 12, Auto golu husi Venceicao da Silva, iha minutu 13, Lucio Ximenes, iha minutu 14, no Mário da Costa, ho núne’e hatuur kedas score ba 5-1.
Kontinua ba jogu segunda parte ekipa Academica Fc, mantein hatudu jogu impresivu hodi domina bola no la fó fatin ba ekipa Baucau All Star hodi produs golu
No ekipa Academica Fc kontinua maraka tan golu 4 tuir hodi Kompleta Festa golu, liu husi Auto golu husi, Agostu Pereira, Iha minutu 17, Lucio Ximenes, iha minutu 19, Agostu da Costa, iha minutu 22, no Hernanio da Silva, iha minutu 28 hodi núne’e to’o termina jogu vitoria ba Academica hodi ukun ho score 9-1.
Husi rezultadu vitória ne’e lori ekipa Academica Fc ultrapasa ba Semi Final Tasa Futsal AFTL Sub-14.
Enkuantu ekipa Baucau All Star obrigadu tenke para de’it iha 4 finais tanba jogu 4 finais ne’e sistema bota fora ka lakon sai
DVO
