Dili — ekipa Juvenil sub-14, Crazy Horse Fc, susesu hadau bileti ida hodi hakat ba Semi Final Tasa AFTL Futsal Sub-14 hafaoin Tidin nia ekipa adversariu As Jerman ho score 4-0 ne’ebé mak hala’o iha kampu Futsal BJ Habibie Dili sabadu (15/05).
Ekipa Juvenil ne’e lansa kedas kontra atake ba malu desde jogu maibé ekipa Crazy Horse ne’ebé mak hatudu jogu impresivu hodi domina liu bola konsege produs golu ida iha minutu 2 liu husi jogador Jenildo hodi hatuur score ba 1-0.
Ho golu ne’e halo Jogu kontinua manas liu tan liu husi lansa kontra no ataka ba malu maibé guarda defensivu husi kada ekipa mantein solidu hodi la fó spasu ba malu hodi marka golu ho núne’e to’o termina jogu primeira parte ekipa Crazy Horse mantein lídera ho score 1-0.
Kontinua ba jogu segunda parte ekipa rua mantein lansa kontra ataka ba malu liu husi tekniku no tatiku ida ida nian maibé ekipa Crazy Horse ne’ebé mak domina liu bola konsege marka aumenta tan golu ida iha minutu 20 liu husi asaun Jenildo ho núne’e score muda aan ba 2-0.
No ekipa Crazy Horse mantein solidu iha linha defensivu hodi la fó fatin ba ekipa As Jerman hodi marka golu.
No tama ba iha minutu 28 ekipa Crazy Horse marka tan golu ida hodi haboot score ba 3-0, liu husi jogador Marcio Magalhaes.
Liu de’it minutu ida Marcio Magalhaes maraka tan nia naran hodi haboot score ba 4-0, ho score refere mantein to’o termina jogu segunda parte vitória ba Crazy Horse.
Husi rezultadu vitória ne’e lori ekipa Crazy Horse hakat ba 4 fianis Tasa Futsal AFTL Sub-14
Enkuantu ekipa As Jerman sees ona husi Tasa refere tanba jogu ne’e sistema bota fora ka lakon sai
Enkuantu ekipa 4 ne’ebé mak tama ba iha Semi Final Tasa AFTL Futsal Sub-14 ne’e mak Boa Sorte Fc, Academica, Fc Fitun Estudante, no mós Crazy Horse.
DVO
