DILI – Aban loron kuarta (25/05), kontijente Timor Leste sei to’o iha Timor ho medaila 5 ne’ebé mak sira hetan iha jogu Sudeste Áziatiku (Sea Games) ba dala XXXI iha Hanoi Vietnam.
Medaila 5 ne’ebé mak kontijente Timor Leste hetan iha jogu Sudeste Áziatiku ne’e hamutuk 5 kompostu husi medaila osan mutin 3 no osan metan 2.
Medaila osan mutin 3 ne’e oferese husi Atleta Felisberto de Deus husi Modalidade Atletizmu ne’ebé mak oferese medaila 2 no Delio Anzaqeci Mouzinho husi Modalidade Boxing oferese medaila 1 hafoin derota iha Final ho nia adversáriu husi Filipina.
Enkuantu Medaila osan metan 2 ne’e oferese husi Atleta Santina Adelaide de Sousa husi Modalidade Taikondow no Atleta José Barreto Quintas da Silva husi Modalidade Boxing.
Tanba ne’e Konfederasaun Desportu Timor-Leste halo Kordenasaun ho sekretáriu estadu joventude no Desportu, kona ba lalaok atu simu atleta, kontijente Timor Leste nian iha loron 25 aban
“Ohin ami deside ona katak CDTL hamautuk ho vise Ministru edukasaun Juventude no Desportu sei simu tan ita nia Atleta iha airaportu Internsional Nicolau Lobato lalaok simu atleta mak CDTL ho Governu sei simu sira ho tara tais ba sira” dehan prezidente Konfederasaun Desportu Timor-Leste (CDTL), Macario Sanches ba jornalista sira iha edifisiu SEJD tersa (24/05).
Macario Salienta, Depois sai husi airaportu Nicolau Lobato sei halo konvoi husi airaportu Nicolau Lobato to’o iha Ponte BJ Habibie no sei kontinua ba iha Ponte Bidau Sengol no sei hakotu iha Ginaziu Desportu de Dili (GDD)
Tanba ne’e prezidente CDTL husu ba inan aman no joven sira ne’ebé mak iha tempu atu halo konvoiu hamautuk hodi fó onra no dignifika atleta, atu núne’e sira orgulu katak povu Timor-Leste iha sira nia kotuk tanba ne’e mak sira oferese medaila mai Timor Leste.
Nia haktuir, CDTL mós halo ona Kordenasaun ho Komandu Munisipiu Dili, atu fasilita ba konvoiu refere
Nia dehan, husi Federsaun Boxing iha ona klubu balu ne’ebé mak oferese karreta 2 ba atleta sira para atleta sira bele hamrik iha leten núne’e povu bele hare atleta sira.
Enteretantu tinan ne’e Timor-Leste partispa iha Sea Games ho Modalidade 7 kompostu husi Modalidade Atletizmu, Boxing, Taikondow, Natasaun, Foti Besi, Karate-do, no Futebool. Husi Modalidade hirak ne’e iha atleta individual hamutuk na’in 19.
DVO
