DILI – Selesaun Nasional Timor-Leste sei hala’o FIFA match kontra Cambodia no Laos iha fulan junu tinan ne’e, hodi hadia Rangking Timor-Leste nian iha FIFA.
Iha renking FIFA Timor Leste okupa iha pozisaun 196 husi nasaun 206 tanba ne’e, at hadia renking FIFA Timor-Leste hala’o perparasaun treinu akapamentu iha Qatar molok hala’o jogu FIFA mach kontra Cambodia no Laos
“Ita nia selesaun nasional Timor-Leste halo hela treinu akopamentu iha Qatar hodi hala’o jogu amizade tuir orariu FIFA (FIFA match) ne’ebe komesa iha loron 31 fulan maiu to’o 12 fulan junu tinan ne’e tan ne’e ita utiliza data FIFA nian hodi halo jogu amizade kontra nasaun Cambodia no Laos iha fulan junu nia laran atu bele hetan pontu ruma hadi ranking iha FIFA tanba agora daudaun ita okupa pozisaun 196 husi nasaun 206“, adjuntu sekretariu jeral FFTL Frederico Martins ba jornalista sira iha nia knaar fatin Bairro Formosa, Díli segunda (23/05).
Nia dehan, jogador sira ne’ebe hala’o training camp hamutuk nain-21 no federasaun esforsu hela para jogador importante Paulo Gali Freitas bele ba halo treinu hamutuk ho jogador sira seluk tanba agora nia sei iha portugal hafoin hala’o trial.
Tuir orariu husi FIFA mach, Timor-Leste sei kontra Cambodia iha loron 2 fulan junu no kontinua kontra Laos iha loron 8 no 12 fulan junu tinan 2022
ADS
