Dili – Jogador Selesaun Nasionál Timor-Leste, Paulo Domingos Gally Freitas, ne’ebé mak dadaun ne’e reforsa klubu Primeiru Divizaun Liga Timorense (LFTL), Lalenok United Fc, ne’e sei kontinua hala’o nia kareira Futebool iha klubu Sporting Braga Portugál iha Époka 2022-2023.
Jogador ho idade 17 ne’e, hetan atensaun makas husi klubu sira iha Europa hafoin hatudu prestasaun di’ak iha jogu AFF iha Cambodia tinan ne’e hodi lori ekipa sub – 23 okupa iha terseru Lugar.
Ho prestasaun ne’ebé nia hatudu iha jogu AFF dada atensaun husi klubu barak iha Europa hanesan España no Portugál. Hodi hodi bá halo Trayel.
Gally hala’o uluk tryel iha klubu ida iha España maibé la konsege ultrapasa iha España hodi mai fali trail iha klube Sporting Braga Portugál no iha trail ne’e Gally hetan kedas atensaun husi klubu primeira divizaun Liga Portugál ne’e tanba jogador ho idade 17 ne’e hatudu performa di’ak.
Liu husi entervista ho Adjuntu Sekretáriu Jerál Federasaun Futebol Timor Leste FFTL Frederico Martins hatete, Jogador Paulo Galy hafoin Trayal remata iha España nia mai fali Portugál hodi Trayal iha klube Sporting Braga.
“Sporting Braga infelismente Liga seidauk,entaun sira sei haruka nia fila fali mai Timor hodi perpara fali dokomentus balun tanba nia bá Portugál ne’e ho tempu naruk tanba ne’e nia sei perpara fali Vistu trabalho“remata Frederico bá jornalista sede FFTL segunda (23/05).
Nia afirma, informasaun ida ne’e seidauk fixu tanba iha ona kontratu man foin bele dehan nia Braga, maibé ida ne’e informasaun ne’ebé hatete husi Klube Sporting Braga bá ami.
Kona-ba nia kontratu agora ne’e sei ko’alia ho Lalenok United tanba foin lalais bá ne’e Trayel, maibé kuandu klube balun hakarak kontratu ho nia, entaun sei klia lai ho Lalenok.
ADS
