Kupang – Ramos hattrick taka jogu ikus Mauputar Fc iha Kupang, NTT Indonesia ho manan clubu Washeng Futsal score 5-2 iha jogu tryout.
Jogu entre ekipa zigante rua ne’e hala’o iha Lapangan Gor Futsal Oepoi-Kupang, domingu (21/05).
Iha insiu jogu ekipa zigante rua ne’e hotu hotu hatudu jogu furak iha kampu tuir tekniku no tatiku kada ekipa, maibé sorti di’ak monu liu ba ekipa uma na’in Wasen hodi marka uluk golu rua tuir malu liu husi jogador, Edo Soares no Samuel hodi hatuur kedas score ba 2-0.
Ekipa Mauputar Fc, hanesan ekipa superior iha Pra Liga Futsal Timor-Leste, tenta lansa kontra no atake ba ekipa zigante husi Kupang ne’e maibé ataka ne’ebé lansa husi ekipa Mauputar Fc, guarda defensivu husi Wasen la fó fatin ba Mauputar hodi produs golu ho núne’e to’o termina jogu primeira parte score mantein 2-0.
Kontinua ba jogu segunda parte, Mauputar Fc, ne’ebé mak hatudu aan hanesan ekipa superioridade halo kedas mudansa ba tátika hodi lansa kontra ataka ba ekipa Wasen ho núne’e iha segunda parte ekipa Wasen konsge marka golu lima liu husi jogador, Ramos marka golu tolu, Adak ida no Sanches ida ho núne’e hatuur hikas score ba 5-2.
Enkuantu ataka ne’ebé lansa husi ekipa adversariu Wasen, la konsge rezulta golu tanba defeza no baliza husi ekipa Mauputar Fc, ka fó fatin ba Wasen hodi marka golu ho núne’e to’o termina jogu segunda parte vitória ba Mauputar Fc ho score 5-2.
Enteretantu Jogu try out ne’e ho objetivu atu hadia kualidade fiziku no tatiku ekipa Mauputar Fc, no hodi hadia esperiénsia jogu iha li’ur.
Antes ne’e ekipa Mauputar Fc, hala’o uluk Tryout ho ekipa HMN Rizky no ekipa Mauputar Fc, konsge hamoe HMN Rizky ho score 5-1.
DVO
