NTT – Ekipa Mauputar Fc, halakon ekipa gigante kupang HMN Rizky, ho score 5-1, liu husi jogu tryout ne’ebé mak hala’o iha Lapangan Gor Futsal Oepoi Kupang Nusa Tengara Timur (NTT), sexta (20/05).
Iha inisiu jogu ekipa rua ne’e hotu-hotu hatudu jogu furak iha kampu liu husi kontra no ataka ba malu maibé ekipa Mauputar Fc, ne’ebé hatudu ritmu jogu furak konsege domina bola no susesu marka golu rua.
Enkuantu ataka ne’ebé lansa husi ekipa HMN Rizky konsege rezulta golu ida ho nune’e to’o termina jogu primeira parte ekipa Mauputar Fc lídera ho score 2-1.
Kontinua ba jogu segunda parte ekipa rua mantein lansa kontra no ataka ba malu maibé ekipa Mauputar ne’ebé mak hatudu nafatin sira nia ritmu jogu susesu produs tan golu tolu.
Enkuantu ataka ne’ebé lansa husi ekipa HMN Rizky, guarda defensivu husi Mauputar Fc, la fó fatin ba sira hodi marka golu ho nune’e to’o termina jogu segunda parte vitória ba Mauputar Fc ho score 5-1.
DVO
