ERMERA – Quattrick husi Grigorio Florindo susesu lori Fc Tuna, Harahun nia ekipa adversariu Revaid Fc ho score 6-2, iha jogu abertura Kopa Asosiasaun Futebool Munisípiu Ermera (AFM-E) 2022.
Jogu abertura Kopa AFM-E Pool (A) entre Fc Tuna kontra Revaid Fc, ne’e hala’o iha Estadion Munisipal Cafe de Ermera, Gleno, sexta (20/05),
Iha insiu jogu ekipa rua hotu hotu hatudu jogu di’ak iha kampu liu husi tatika ida-idak nia maibé ekipa Tuna ne’ebé mak Kampeaun Kopa AFM-E 2021 hatudu sira nia ritmu jogu furak konsge domina bola ho nune’e jogu foin hala’o de’it minutu 4 Edilson das Neves maraka uluk golu ida hodi hatuur score ba 1-0.
Score ne’e la dura ho tempu naruk hafoin ekipa Revaid Fc, responde hikas golu ida iha minutu 8 liu husi jogador Nuncio Soares hodi hatuur score ba 1-1.
Liu de’it minutu ida Fc Tuna lídera hikas hafaoin jogador, Grigorio Florindo, susesu fura rede Rivaid Fc hodi hatuur score ba 2-1.
Ho golu ne’e jogu kontinua manás liu tan maibé ekipa Fc Tuna ne’ebé mak hatudu nafatin intensidade jogu ne’ebé mak aas konsge produs tan golu ida iha minutu 18, nafatin liu husi jogador Grigorio Florindo, hodi muda aumenta score ba 3-1.
La para de’it iha Fc Tuna haboot liu tan score ba 4-1 iha minutu 18 liu husi jogador, Jaime de Jejus.
Maske ekipa rua ne’e mantein kontra ataka ba malu maibé la iha tan golu ruma mak akontese to’o termina jogu primeira Fc Tuna lídera ho score 4-1.
Kontinua ba jogu segunda parte ekipa Fc Tuna la persija tempu naruk hodi fura tan rede Rivaid Fc, liu husi jogador Grigorio Florindo ne’ebé mak marka tan nia naran hodi hatuur score ba 5-1.
No tama ba iha minutu 49 Grigorio Florindo marka tan golu ida golu ne’e ba da haat Quattrick hodi haboot liu tan score ba 6-1
Enkuantu ataka ne’ebé lansa husi ekipa Revaid Fc, guarda defensivu husi Fc Tuna la nafatin la fó fatin hodi produs sai golu, maibé antes atu terima jogu defeza husi Fc Tuna komete erru iha area grandeal ho núne’e arbitu deside hodi fo penaliti
Joanico de Jesus ne’ebé mak sai ezekutador ba penalidade refere susesu hala’o nia serbisu ho di’ak ho núne’e score muda aan ba 6-2, ho score refere mantein to’o termina jogu segunda parte vitória ba Fc Tuna
Husi rezultadu vitória ne’e hatuur Fc Tuna iha pozisaun dahuluk ho pontus 3 iha pool (A), Enkuantu ekipa Rivaid Fc iha pozisaun ikus ho pontus 0
DVO
