ERMERA – Prezidente Asosiasaun Futebool Munisípiu Ermera (AFM-E), Lomelino Salsina, hatete, klubu ne’ebé mak la tuir regras ne’ebé mak Sira fó sai mak sira sei esklui klubu refere, husi kompetisaun Kopa AFM-E 2022.
“Klubu ne’ebé mak mai la tuir rezimentu ne’ebé mak la tuir regras ne’ebé mak akordu ona ami sei esklui ne’e tuir regras ne’ebé mak iha, ne’e ami utiliza regras ne’ebé mai husi LFTL – FFTL ho estatuta asosiasaun nian” dehan prezidente AFME Lomelino Salsina ba Jornalista sira iha Estadu Munisípial Kafé de Ermera, Gleno, sexta (20/05).
Kopa ne’e ami realiza tanba ami hetan apoiu mós husi SEJD, liu husi diresaun Desportu kooperativu oferese Estadion ne’e para hala’o atividade kampeonatu ne’e to’o fulan tolu
Enkuantu eventu AFM-E ne’e abertura iha loron 20 Maiu no tuir planu atu hala’o durante fulan 3 tanba ne’e sei ensera iha loron 20 fulan Agostu.
Jogu refere sei iha premiu ba Kampeaun Primeiru Lugar to’o kuartu lugar no Mellor jogador, Mellor markador no mós Mellor guarda rede.
Maibé ba premiu Asosiasaun sei buka fundus hodi oferese ba sira enkuantu totál orsamentu ne’ebé mak dadaun ne’e iha Asosiasaun hamutuk 4.700.
Fundus hirak ne’e mai husi FTTL 3.700 dólar Amerikanu no 1000 dólar ne’e mai husi emorezariu sira.
Enkuantu jogu refere partisipa husi klubu 18, klubu hirak ne’e mai husi DILI, Likisa no mós Ermera rasik.
Enteretantu partispa iha seremonia abertura Kopa AFME ne’e mak Komandante PNTL Munisípiu Ermera, ho membru PNTL, reprezentante SEJD, autoridade lokál sira hotu no jogu refere hetan antusiaismu makas husi komunidade hadomi bola sira iha Munisípiu Ermera.
DVO
