DILI – Academica Fc susesu hakat ba Final Tasa Futsal AFTL Sub-14, hafaoin Tidin nia ekipa Academica Fc ho score 4-2 iha 4 Finais mak hala’o iha kampu Futsal BJ Habibie Dili kuarta (18/05).
Iha insiu jogu ekipa rua ne’e hotu-hotu hatudu jogu furakiha kampu liu husi tatika no tekniku ida idak nia hodi lansa kontra no ataka ba malu.
Maibé ekipa Crazy Horse ne’ebé mak hatudu ritmu jogu konsege domina bola hodi fura rede Academica Fc dala rua tuir malu liu husi jogador, Cristiano Marques, iha minutu 4 no Marcio Magalhaes iha minutu 6 ho núne’e ekipa Crazy Horse lídera uluk ho score 2-0.
Sofre uluk golu rua la hamate espiritu kompetetivu jogador juvenil sub-14 Academica Fc hodi hatudu sira nia ritmu jogu ikus mai konsge produs golu tolu tuir malu liu husi jogador Luis Ximenes, iha minutu 8, Ruben Correia iha minutu 13 no Mário da Costa iha minutu 14 hodi hatuur score primeira parte hodi score 3-2.
Kontinua ba jogu segunda parte ekipa rua mantein lansa kontra ataka ba malu liu husi tekniku no tatiku ida-idak nia maibé sorti di’ak monu ba ekipa Academica Fc hodi marka tan golu ida hodi hatuur score ba 4-2.
Enkuantu ataka ne’ebé mak lansa husi ekipa Crazy Horse, defeza husi ekipa Academica la fó fatin hodi marka golu ho núne’e to’o termina jogu segunda parte vitória ba Academica Fc ho score 4-2.
Husi rezultadu vitória ne’e lori ekipa Academica Fc hakat ba Final Tasa Futsal Tasa Futsal AFTL Sub-14.
Enkuantu ekipa Crazy Horse tenke para de’it iha 4 Finais hodi hein hadau malu poezisaun terseiru lugar
Tuir orariu Final Tasa Futsal AFTL Sub-14 ne’e sei monu iha loron 28 fulan ne’e
Enkuantu ba pozisaun terseiru lugar nian sei hala’o iha loron 27 fulan ne’e.
DVO
