DILI – Ohin kuarta (25/05) Atleta Kontijente Timor Leste, fila hikas mai rai doben Timor-Leste, ho medaila hamautuk 5 maibé governu liu husi Sekretáriu Estadu Joventude no Desportu (SEJD), Abrao Nokosiku Saldanha, fila kotuk ba fali Baucau.
Durante ne’e SEJD, Abrao Saldanha, ezizi atleta hodi hatudu prestasaun, no ohin loron atleta sira hatudu duni prestasaun iha Sea Games ne’ebé mak hala’o iha Hanoi Vietnam, hodi oferese medaila osan mutin 3 no osan metan 2 mai Timor Leste, maibé SEJD Abrao Saldanha fila kotuk hodi ba fila fali atividade KRAM ne’ebé mak hala’o iha Munisípiu Baucau.
Situasaun ne’e hatudu katak SEJD Abrao Saldanha prioritiza liu atividade Komisaun Regulador Arte Marsiais (KRAM) nian duké atleta sira ne’ebé mak hamorin ona Timor Leste nia naran iha Sea Games.
Liu husi konferensia imrensa Atleta husi Modalidade Boxe Delio Anzaqeci Mouzinho haktuir, Sekretáriu Estadu Joventude no Desportu (SEJD) nia liafuan ne’ebé hatete atelta sira ba la’ós partispa de’it maibé tenke hatudu prestasaun, no ohin loron atleta sira ne’e fila ho Medaila iha liman maibé SEJD Abrao Saldanha fila kotuk hodi ba fali Manatutu.
“Ami ba la’ós partispa de’it maibé ami ba ho prestasaun ne’e mak hatudu iha mundu katak ami ba ho prestasaun” dehan atleta Delio Anzaqeci Mouzinho hodi haktuir SEJD nia liafuan.
Núne’e mós atleta husi Modalidade Atletizmu, Felisberto de Deus, ne’ebé mak oferese medaila osan mutin 2 ba Timor-Leste, ne’e hatete, ohin loron sira lori medaila mai Timor Leste, Agradese ba Heroi no Heroina sira ne’ebé mak fakar sira nia ruin ho ran hodi hetan Timor Leste nia Independensia ohin loron sira bele reprezentanta Timor iha Sea Games.
“Agradese ba Heroi sira ne’ebé maka fakar sira nia ruin ho ran hodi hetan libertasaun ida ne’e, Ohin loron ami reprezentanta sira nu’udar Timoroan ha’u sente orgulu ohin loron hetan medaila mai Timor Leste” Dehan Felisberto.
Kontijente Timor-Leste sira ne’e too iha Airaportu Internsional Nicolau Lobato iha tuku 11 : 11 dader ho aviaun citilink.
Hafoin atleta kontijente Timor Leste, sira tun husi aviaun atleta sira tun ho Bandeira RDTL ho medaila osan mutin ne’ebé mak sira hetan iha Sea Games Hanoi Vietnam.
No iha Airaportu Internsional Nicolau Lobato, atleta sira ne’e simu kedas ho tebedai no babadok hodi fo onra ba atleta sira tanba hatudu ona prestasaun iha Sea Games hodi oferese medaila ba Timor Leste.
Atleta sira ne’e simu direta husi Vise Ministru Edukasaun Juventude no Desportu (MEJD) António Guterres hamautuk ho Prezidente Konfederasaun Desportu Timor-Leste (CDTL).
Iha jogu Sudeste Aziatiku (Sea Games) ba dala XXXI ne’e Timor Leste partispa ho Modalidade hamutuk 7 kompostu husi Modalidade Taikondow Natasaun Boxe Atletismu Karate-do Halterofelismu no Futebool.
No Sea Games ne’e iha Modalidade 3 mak konsge oferese medaila hamutuk 5 kompostu husi osan mutin 3 no osan metan 2.
Osan mutin 3 ne’e oferese husi Atleta Felisberto de Deus husi Modalidade Atletizmu oferese 2 no Delio Anzaqeci Mouzinho Modalidade Boxe oferese medaila 1.
Enkuantu medaila osane metan 2 ne’e oferese husi Atleta Santina Adelaide husi Modalidade Taikondow no Atleta José husi Modalidade Boxe.
Charlly Junior
