DILI – Familia husi atelta, Felisberto de Deus, kontente ho matan Ben hodi simu oan mane Felisberto ne’ebé mak oferese medaila osan mutin 2 ba Timor-Leste, iha jogu Sudeste Áziatiku (Sea Games) ba dala XXXI iha Hanoi, Vietnam tinan ne’e.
Atleta husi Modalidade Atletizmu ne’e oferese medalla osan mutin rua hafoin sai manan nain daruak halai iha 5000 M. no 10.000 M iha Sea Games 2022 iha Vietnam.
Liu husi entervista Atleta Felisberto de Deus ne’ebé mak akompanha husi nia inan Martinha Assunção de Deus no nia aman Martinho de Deus, Atleta Felisberto ho nia família kontente ho matan Ben hodi tanba nia bele oferese medaila osan mutin 2 ba Timor-Leste liu husi nia talentu desportivu.
“Hau nu’udar Timoroan sente orgullu no kontente tebes tanba iha hau nia kareira ba dahuluk hetan medalla osan mutin rua ne’ebe reprezenta Timor-Leste husi modalidade atletizmu kompete iha Sea Games 2022 iha Vietnam tan ne’e ha’u hakarak oferese medalla ne’e povu doben Timor-Leste tomak liu-liu inan aman ne’ebé durante ne’e suporta husi orasaun ba hau“, dehan Felisberto ba jornalista sira ho matan Ben iha GDD kuarta (25/05).
Felisberto, hatete, medalla osan mutin rua ne’e hakarak oferese mos ba eroi Timor-Leste, CDTL, CONTL federasaun atletizmu, governu ne’ebé durante ne’e suporta nia hodi bele hetan medalla refere no nia sente orgullu bele hasaee Bandeira RDTL.
Iha Kompetisaun ne’ebé mak Felisberto hala’o iha Sea Games Vietnam Felisberto mós hasae Bandeira Vietnam nian tanba durante iha kompetisaun povu Vietnam suporta tebes sira tanba ne’e nia hanesan eroi ida ba nasaun Timor-Leste nian iha Vietnam.
Núne’e mós Martinho de Deus no Martinha A. de Deus ne’ebé nu’udar inan aman husi Atleta Felisberto kontente tanba oan mane Felisberto de Deus bele hamorin ona Timor Leste nia naran iha rai li’ur.
“Ami nu’udar ai-leba oan haree felisberto nia moris to’o ohin loron nia lori nasaun nia naran iha Vietnam tan ne’e ami sente orgullu no agradese ba nasaun Timor-Leste bele lori ani nia oan Felisberto de Deus ne’ebe hamorin Timor-Leste nia naran iha Sea Games 2022 iha Vietnam” tenik sira
Entretantu treinador atletizmu Odete Belo dehan, nia nu’udar treinador ne’ebe lori atleta hetan medalla osan mutin rua iha Sea Games 2022 iha Vietnam sente orgullu tebes ne’ebe nia esperansa ba atleta sira tenki treinu ho dixiplina nafatin atu nune’e bele hetan diak liu tan iha jogu sira tuir mai.
“Hau nu’udar treinador ne’ebe lori atleta hetan medalla osan mutin rua iha Sea Games 2022 iha Vietnam hau sente orgullu tebes ne’ebe hau nia esperansa ba futuru atleta sira tenki treinu ho dixiplina nafatin atu nune’e bele hetan diak liu ida ne’e no hau mós agredese ba Xanana Gusmão no parte governu, CDTL, CONTL, federasaun atletizmu Timor-Leste, povu Timor-Leste tomak sponsor sira ne’ebe durante suporta masimu no orasaun ba atleta sira“, treinador hatetn
CharllY Junior
