Dili — Governu liu husi Ministeru Justica, halo ona kontratu arendementu, ho Federsaun Futebool Timor-Leste (FFTL), atu rehabilita Estadion Munisipal Dili ne’ebé mak sei konstrui husi Federasaun Internasional Asosiasaun Futebool (FIFA sigla ingles).
Governu liu husi Sekretariu Estadu Juventude no Desportu (SEJD) Abrao Saldanha hamutuk ho Prezidente Federsaun Futebool Timor-Leste (FFTL), Francisco Jerónimo, ho reprezentante FIFA hasoru malu ho Ministru Justica Tiago Amaral hodi ko’alia kona-ba atu rehabilita Estadion Munisipal Dili ne’e.
Hafoin remata enkotru Ministru Justisa Tiago Amaral Sarmentu haktuir, Governu liuhusi Ministeriu Justisa atribui fatin ida demokrasia ba FFTL ho SEJD hodi dezenvolve alin futebolista sira nia talentu iha ne’eba I ida fali kampu boot ou Estadiu.
“Ida fali kampu boot sira iha Estadiu ne’eba ne’e, 100% FIFA mak sei prevee orsamentu, tanba ne’e governu Timor-Leste liuhusi ministeriu justisa halo kontratu arendementu ho FFTL hetan apoiu husi FIFA mak sei dezenvolve fatin ne’eba 100%”, tenik Ministru Justisa Tiago Amaral Sarmeno ba jornalista sira iha Edifisiu Ministeriu Justica Colmera,Dili,Segunda (13/06/2022).
Governante ne’e informa, kontratu arendementu ida fali ho atribui konstrusaun mak kampu demokrasia, ida estadiu munisipal ne’e kontratu ba tinan 45 depois kontinua tan bele to’o tinan 90, kontratu arendementu ho FFTL ,depois mak sei selu arendementu ba estadu.
Nia akresenta, FIFA mos mak sei kontinua karik kontratu ne’e hotu tiha sira hakarak halo mos Estadiu iha munisipiu 14 tanba ne’e agardese tebes.
Nia relata, governu prontu nafatin koopera ho FFTL atu bele fo arendementu kampu sira ne’ebe sira presija, atu dezenvolve kampu futebol sira ne’e jogador joven no labarik sira ne’ebe mak maioria gosta futebol, Timor-Leste jogador sira mos komesa tama ona iha kampu internasional no partisipa ona eventu hirak internasional nian.
“Ho prezensa FIFA nian ne’e bainhira kampu sira ne’e hotu bele dada besik liu tan jogus internasionais mai iha Timor-Leste, tanba FIFA mos kompremitidu ona ona ho kontratu ida ne’e, sira kontente tebes sira sei lori nutisia ida ne’e ba iha ne’eba depois iha futuru mai jogus internasionais sira bele muda mai iha ne’e”, katak nia.
Iha fatin hanesan Prezidente FFTL, Francisco Jeronimo katak, kuandu dokumentu iha ona FIFA sira to’o iha ne’eba sira la hein kleur tan, sira prepara dokumentu sira ne’e submete ba FIFA iha erquater iha ne’eba hodi prepara tender ona para kompanha internasional no husu ema ne’ebe iha esperensia halo kampu para mai halo kampu ne’e ho di’ak.
“Ida ne’e ha’u entrega ona ba sira bainhira dokumentu entrega no loos ona ha’u hanoin lakleur tan sira hadi’a ona, promete katak tinan oin kampu bele hotu ona para bele uza”, dehan nia.
Entretantu SEJD Abrao Saldanha katak, Sekretariu Estadu Juventude Desportu liuliu governu ida ne’e hakarak mobiliza apoiu esternu dezenvolvimentu iha Timor-Leste.
“Ho FIFA ninian ne’e ema mai dala barak ona tinan 4 liu ona mak mai sira hakarak dezenvolve ita nia futebol liu liu infraestrutura iha futebol, maibé sira hetan difikuldades balun tinan kotuk mak sira ko’alia ho ha’u hodi dezembru hakarak ajuda loos”, tenik nia.
Nia dehan, tinan ida ne’e hetan ajuda husi FIFA hodi konsensaun rai, tanba ne’e ohin halo arendementu ho estadu, no sira sei hahu projetu Ida tuir standar Estadium nian.
ADS