DILI- Klubu Primeira Divizaun Liga Timorense Assalam Fc no Academica Fc, orgullu Timor Leste, bele hetan vizita husi troféu kopa mundial tanba ne’e bele motiva foin sae sira neebe mak iha talentu iha area futebol hodi hakaas aan treinu nune’e ba futuru Timor-Leste mos bele partisipa iha kopa mundial, maibe jogador sira la mosu iha Estadion Munisipal Dili.
Relasiona ho Trofeu Kopa Mundial, neebe mai vizita Timor Leste, loron sabadu (11/06/2022), mosu kontofersial iha publiku, tanba vizita husi trofeu mundial nee ho objetivu atu motiva jogador sira iha timor leste maibe realidade jogador sira la partisipa iha eventu boot neebe mak atu motiva futebolista sira nee.
Liu husi entervista ho prezidente klubu Assalam Fc, Ipolito Soares, informa, nia parte agradese ba fifa afc no fftl tanba organiza ona trofeu kopa mundial bele too iha Timor.
“Hau sente Orgullu tebes ho prejensa troféu kopa mundial hakarak agradese ba FIFA, AFC no FFTL ne’ebe organiza trofeu kopa mundia bele to’o Timor, ita agrades tanba nasaun hotu-hotu la hetan oportunidade hanesan ne’e, fo is ita atu bele mehi ita labarik sira jjerasaun futebol ba oin aban bainrua ita bele partisipa iha kopa mundial” informa prezidente Assalam FC, Ipolito Soares ba jornalista sira iha Stadium munisipal Dili.
Prezidente hateten, vizita trofeu kopa mundial mai Timor Leste nee bele fo mehi neebe as ba futebolista sira iha Timor liu tan Iiuliu federasaun, asosiasaun no klube futeblista sira bele treinu hakaas aan ba mundu futebol iha futuru nune’e mehi sira nee bele sai realidade.
Maske vizita husi trofeu mundial nee mai ho jogador konesidu husi nasaun França Cristian Lali Carambeu ne’ebe bele apoiu teknikamente ba federasaun futebol Timor-Leste no klube sira maibe la iha jogador ida mak besik iha kampu.
Nia esplika, benefisu husi prejensa trofeu nee Timor oan sira bele iha paisaun no mehi aas iha mundu futebol tanba nee importante Timoroan bele mehi as liu tanba ema mos konsidera rai ida ne’e maski seidauk konsege partispa kopa mundial ne’ebe trofeu mai para haforsa mehi ne’ebe iha para ba futuru mehi sai realidade.
Iha sorin seluk prezidente Academika Fc, Gil da Conceicao, hatete, “nia sente kontente tanba dala uluk Timor-leste hetan previlejiu husi nasaun 50 ne’ebe involve iha kopa mundial no Timor-leste mos nasaun ida ne’ebe gosta futebol ne’ebe ohin komunidade iha Timor-letse barak mak kontente no antusiasmu haree trofeu kopa mundial ne’e Maibe Stadium adeptu la nakonu dalaruma iha limitasaun ba adeptu sira ka informasaun sira la to’o ba adeptu sira”.
Nia parte husu ba governu karik tempu tuir mai bele hato’o ba komunidade hotu-hotu nune’e sira bele asiste trofeu kopa mundial tanba parte governu mak organiza eventu ne’e no iha parte balun nia ladun kontente tanba jogador selesaun nasional Timor-Leste ne’ebe partisipa kualifikasaun kopa mundial no jogador involve iha klube sira la partisipa eventu ne’e tan ne’e komisaun sira bele halo avaliasaun.
Entertantu vizita kopa mundial mai timor leste nee hetan iha deit oras 6 no prezidente republika deit mak bele kaer trofeu refere.
iha estadion municipal Dili futebolista legendariu, Cristian Carambeu, halo atrasaun ba jogador juvenil nain 20 kompostu husi feto nain10 no mane 10 maibe jogador sira seluk neebe durante defende klubu sira la mosu iha estadion.
ADS
