DILI– Eis Futebolista Franca, Cristian Carambeu, orgullu bele lori Trofeu Kopa Mundiál vizita mai Timor-Leste, Prezidente Repúblika, José Ramos Horta, fo parabeniz ba Federasaun Futebol Timor-Leste (FFTL).
Prezidente Repúblika José Manuel Ramos Horta hatete, loron ohin ne ne’e diak ba povu Timor-Leste, tanba vizita trofeu mundiál ne’e ba dahuluk mai Timor-Leste núne’e Prezidente Repúblika hato’o Parábens ba Federsaun Futebool Timor-Leste (FFTL), no Federsaun Internsional Futebool Asosiasaun (FIFA) ne’ebe organiza troféu kopa mundial mai iha Timor-Leste.
“Loron diak tebes ba Timor-Leste laos deit ba futebolisa sira ne’ebe reprezentante organizasaun mundial FIFA ne’ebe mai husi França iha ne’e maibe hanesan loron diak ba ita hotu ne’ebe liu husi diplomasia futebol tanba desportu kria paz ho dame ne’e duni hau nia parabéns ba Timor-Leste ho FFTL no FIFA ne’ebe organiza troféu kopa mundial mai iha Timor-Leste ne’ebe hili husi nasaun 50 resin sai hanesan fatin ida para lori troféu ne’e mai vizita” dehan PR Ramos ba Jornalista iha Palacio Prezidente sabadu (11/06).
Troféu ne’e importante teb-tebes tanba ne’e mak iha nasaun ida uniku Prezidente Repúblika mak bele kaer tanba simboliku tebes FIFA nia prezensa.
Núne’e mós Prezidente FFTL Francisco Jerónimo hatete, sira esforsu hamutuk governu no entidade hotu iha Timor-Leste núne’e bele realiza duni troféu kopa mundial ne’e to’o iha Timor-Leste.
“Esforsu ne’ebe FFTL halo hamutuk ho governu no entidade hotu-hotu ita konsge realiza loron ohin Trofeu Kopa Mundial to’o iha Timor-Leste ne’ebe hamutuk ho governu no prezidente RDTL, ita bele realiza mehi ida ne’e no troféu ne’e mai atu motiva atu hakaas an diak liu tan ba Futuru dezenvolve futebol tuir ita hotu nia mehi“, Francisco afirma.
Enkuantu Jogador lejendáriu Futebool Cristian Lali Carambeu sente privilejiu tebes tanba bele lori troféu Kopa Mundial mai vizita Timor-Leste maski iha oras neen nia laran de’it.
“Hau sente priviléjiu boot ida mai hau ba vizita Timor-Leste tanba ami hatene iha rai ne’e ema barak joga bola no iha fasilidade ne’ebe sei halo iha futuru futebol Timor-Leste sei sai diak ho ida ne’e inisiativa diak husi nain ulun sira hodi organizaTroféu Kopa Mundial mai iha rai ne’e ne’ebe sai inspirasaun no hau hakarak fo bemvindu lori troféu mai iha rai ne’e maski ohin ami mai oras balun iha rai ne’e maibe hau iha esperansa hodi mai fali iha Futuru ita sei hamutuk iha dalan ne’ebe diak“, tenik Carambeu.
ADS
