DILI– Trofeu Kopa Mundial ne’ebé mak ohin mai vizita Timor Leste Iha tuku 9 dader OTL ne’e husik hikas ona Timor-Leste iha tuku 15 : 20, hodi ba vizita fali nasaun seluk.
Trofeu Kopa Mundial ne’e ohin, sabadu (11/06). To’o mai Timor hamutuk ho jogador legendáriu Cristian Lali Karambeu, hodi mai vizita Timor-Leste durante oras 6.
Trofeu ne’e ohin to’o iha Airaportu Internsional Nicolau Lobato Comoro ho aviaun espesial ho marka N928RW, iha tuku 8 : 53 , dader.
Hafoin futebolista Legendariu, Cristian Carambeu tun husu aviaun ho trofeu mundiál ne’e, Sekretariu Estadu Juventude Desportu (SEJD), Abrão Saldanha hamautuk ho Prezidente Federsaun Futebool Timor-Leste (FFTL), Fransisco Jerónimo, simu kedas Jogador legendáriu no troféu ne’e hafoin tama ba sala VIP Airoportu nian durante minutu 15 kontinua ba kedas palasiu presidensial.
Iha palasiu prezidensial troféu ne’e Prezidente RDTL José Manuel Ramos Horta ho membru governu simu diretamente husi troféu ne’ebe lori husi futebol legendáriu Cristian Lali Carambeu husi nasaun França ho nia delegasaun sira no iha palasiu prezidente jogador legendáriu ne’e fo kertas troféu ba prezidente hodi simu no hit iha Timor oan sira nia oin.
Hafoin vizita iha palasiu prezidente troféu ne’e prezidente RDTL José Manuel Ramos Horta ho futebolista Legendáriu kontinua lori troféu ne’e ba Stadium Munisipal Dili iha oras tuku 11:00 ne’ebe hetan partisipasaun husi adeptu futebol sira iha Timor-Leste.
Iha Stadium Munisipal Dili Jogador legendáriu no prezidente RDTL lori troféu haleu kampu iha stadium munisipal Dili ne’ebe nakonu ho adeptu futebol sira iha Timor-Leste ne’ebe nakonu iha tribun no adeptu sira haree notroféu ne’e ho kontente no haklalak iha Fatin ne’e.
Remata prezidente RDTL ho jogador legendáriu lori haleu troféu haleu kampu, Jogador legendáriu halo kedas animasaun ho jogador junior feto mane hamutuk nain-20 iha kampu laran no Timor oan hamutuk nain-200 hetan oportunidade hasai foto ho troféu kopa mundial ne’e.
Tama ba tuku 15:20 troféu kopa mundial hamutuk ho jogador legendáriu sai husi Stadium Munisipal Dili halo kedas viazen ba Airoportu Internasional Nicolau Lobato hodi halo fali viazen ba nasaun iha oseanu pasifiku nian.
Vizitasaun troféu ne’e bele anima ona no fo inspirasaun ba Timor oan sira liu-liu Jogador sira esforsu nafatin atu nune’e ba futuru oin Timor-Leste mos bele kompete iha kopa mundial ne’ebe kompete husi nasaun hotu iha mundu ne’ebe realiza tinan haat dala ida.
Troféu Kopa Mundial hamutuk ho jogador legendáriu Cristian Lali Carambeu husi nasaun França vizita mai Timor-Leste durante oras 6 nia laran husi 09:00 dader to’o 15:00 foin mak fila hikas ho aviaun privadu kompania Coca Cola nian.
Vizita ne’e Trofeu mai Timor Leste ne’e bá dahuluk tanba ne’e hetan apoiu seguransa maxímu ho núne’e durante trofeu ne’e iha Timor atividade la’o ho di’ak to’o remata
ADS
