DILI-Futebolista Legendariu husi nasaun Franca, Cristian Lali Carambeu, neebe mak akompanha Trofeu Kopa Mundial mai Timor Leste, ohin hala’o Atarasaun jogu futebol ho jogador husi Centru Futebol Juvenil hamutuk nain 20, kompostu husi feto 10 no mane nain 10.
Tuir observasaun jornalista Joventude Hadomi Desportu (JHD) iha terenu katak wainhira Trofeu Kopa Munidial antes too iha Estadiu Munisipal Dili, iha adeptus Futebol Timor Leste barak mak iha ona Estadiu Munisipal Dili hodi hein prezensa Trofeu Kopa Munidial.
Entretantu Trofeu Kopa Munidial tama too Estadiu Munisipal Dili, akompanha kedas husi Prezidente Republika Timor Leste, Ramos Horta, Sekretariu Estadu Juventude Desportu, Abrao Saldanha no Prezidente Federasaun Futebol Timor Leste (FFTL), Francisco Jerónimo, hamutuk ho ekipa husi FIFA no mos futebolista Legendariu Chirstian Carambeu, hodi halo kedas Atarasaun Trofeu Kopa Munidial hodi hatudu direita ba adeptus bola mania sira, iha Estadiu Munisipal Dili,Sabadau (11/06/2022).
Hafoin Atarasaun Trofeu Kopa Munidial ba adeptus futebol sira, kontinua kedas ho jogador Legendariu Cristian Carambeu halo Atarasaun jogu futebol hamutuk ho jogador husi Centru Futebol Juvenil Timor Leste hamutuk nain 20,neebe mak kompostu husi feto nain 10 no mane nain 10.
Maibé molok atu halo Atarasaun ba jogador juvenil sira futebolista Cristian Carambeu lori trofeu Kopa Mundiál ne’e hodi haleu Estadion hodi núne’e adeptus sira ho orgulu bele haree besik
Enkuantu vizita trofeu ne’e iha Timor iha de’it oras 6 tanba ne’e adeptus hadomi bola kuaze rihun resin akompanha tanba kuriozu tebes ba adeptus sira tanba durante ne’e akompanha de’it liu husi televizaun.
CharllY Junior
