Dili — Relasiona ho vizita Trofeu Kopa Mundial ne’ebé mak mai vizita Timor-Leste ohin, sabadu (11/06), ne’e Governu liu husi Sekretariu Estadu Juventude no Desportu (SEJD), hamautuk ho Federsaun Futebool Timor-Leste (FFTL) gasta orsamentu ho montante 40.000 USD.
Trofeu Kopa Mundiál ne’e to’o ona iha Timor Leste ohin dader tuku 8 : 53 OTL ho aviaun sepesial ho maraka N982RW.
Hafoin de ne’e Trofeu Kopa Mundiál ne’e kontinua ba iha Palacio Prezidente Nicolau Lobato, no iha Palacio Prezidente Prezidente Repúblika mak kaer Trofeu ne’e hamautuk ho Legendariu futebolista Cristian Lali Karambeu.
Enkuantu Trofeu Kopa Mundiál ne’e Uniku Prezidente Repúblika de’it mak bele kaer no povu Timor-Leste, haree de’it husi dook.
Tanba Trofeu ne’e kuriozu tebes ba parte komisaun sira mós hotu hotu nadodon ba hobur hodi hasai fotografia maibé povu la sente orsamentu montante boot ne’ebé mak governu ho FFTL gasta.
Tuir orariu Trofeu ne’e sei sai husi Palacio Prezidente no kontinua ba Estadion Munisipal Dili hodi hodi nune’e adeptus hadomi bola sira bele haree besik liu tan
Antes ne’e Sekretariu Estadu Juventude no Desportu (SEJD), Abrao Nokosiku Saldanha informa, atu simu trofeu ne’e governu gasta orsamentu 30 ate 40 Mill.
“Sira sei halo hela Kalkulu entre 30 ate 40 Mill, Primeiru sira simu uluk 30 Mill maibé sira dehan sei falta Kustu balu ne’ebé tenke kobre entaun sira sei halo hela entre 30 ate 40 tanba seidauk finaliza Kustu loloos” tenik SEJD Abrao ba Jornalista iha edifisiu SEJD (31/05).
CharllY Junior
