DILI — Trofeu Kopa Mundiál Federsaun Internsional Futebool Asosiasaun (FIFA) to’o ona iha Airaportu internasional Nicolau Lobato Comoro, ohin sabadu (11/06) ho aviaun sepesial ho maraka N982RW.
Aviaun sepesial ne’ebé mak lori Trofeu Kopa Mundiál ne’e tun iha Airaportu Internsional Nicolau Lobato iha tuku 8:53 hatun husi aviaun ho delegasaun husi FIFA.
Legendariu futebolista Cristian Lali Karambeu tun husi aviaun no simu direta husi prezidente FFTL no SEJD
Hafoin atu hakat liu husi fatin (VIP), iha Airaportu Internsional Nicolau Lobato, simu kedas ho dansa tradisionál Timor Leste nian durante minutu balu Nia laran.
Tuir orariu Trofeu Kopa Mundiál ne’e iha Timor ho de’it oras 6, husi Airaportu sei hakat uluk ba Palacio Prezidente Nicolau Lobato Dili Timor-Leste. No sei iha sesaun foto nian, no Prezidente Repúblika, sei hato’o mós preves palavras molok.
Depois de remata iha Palacio Prezidente, kontinua kedas ba Estadion Munisipal Dili, hodi adeptus bolamania sira bele haree besik trofeu refere, no Futebolista Legendariu Cristian Lali Karambeu mak sei lori trofeu ne’e hodi hatudu ba Amantes hadomi bola sira.
Aleinde ne’e mós Legendariu Futebool Karambeu mós sei hatudu nia asaun Futebool hamautuk ho jogador juvenil (sub-12) feto no mane.
Atarasaun ne’e hala’o hodi bele fó inspirasaun ba jogador sira iha Timor Leste liuliu ba foin sa’e sira ne’ebé mak iha talentu Futebool nune’e bele dezenvolve di’ak liu tan Futebool iha Timor Leste.
Vizita Trofeu Kopa Mundiál mai Timor Leste pela Primeira vez, trofeu ne’e iha Timor kuaze oras 6.
Enteretantu tuir observsaun jornalista Joventude Hadomi Desportu (JHD), iha resintu Airaportu Internsional Nicolau Lobato to’o iha Estadion ne’e hetan apoiu seguransa maxímu husi Polísia Nasional Timor-Leste (PNTL).
Enkuantu ba Timor-Leste nia perparasaun atu simu trofeu Kopa Mundiál ne’e, totál orsamentu hamautuk 40.000 USD husi SEJD no FFTL.
CharllY Junior
