DILI – Traballador husi Loja 16 ne’ebe lokaliza iha sidade Dili sei kompete iha torneiu futsal ho naran “Nissin Gabin Cup Futsal”.
Eventu Nissin Gabin Cup Futsal 2022 ne’e organiza husi Media Desportu Online JHD ne’ebe ho objetivu atu organiza traballador sira ne’ebe durante tinan barak kontribui ba atividade ekonomia iha Dili hodi komemora loron Restaurasaun independensia ba Dala XX.
“Jogu ne’e ho objetivu komemora loron restaurasaun independensia Timor Leste ba dala 20” dehan prezidente Komisaun organizadora Francisco Lopez ba JHD iha nia rezidensia Mascarinhas Dili, kinta (09/06).
Nia dehan, eventu ne’e JHD Realiza ba dahuluk, no eventu la’ós ba klubu Profesional sira maibé ba traballador loja iha Dili Laran sira, atu diverte no konhese malun Liu Tan entre traballador husi kada Loja.
Klubu mai husi loja hamutuk 16, ne’ebe sei hala’o ho sistema bota fora ka lakon sai, durante loron tolu hahú husi loron 17 to’o loron 19 fulan Junho tinan ne’e no sei halao iha Kampo Futsal Bebora.
Agora dadaun iha ona clubu 13 ne’ebe mak registu ona iha komisaun organizadora, mak hanesan tuir mai Loja W-Four, Jacinto Supermercado, Loja Yang, Loja ABC 1, Loja ABC 2, Loja Balibo, Loja Starking, Meimart 1, Meimart 2, Lucky Strike, Jacinto Supermercado 2, Fortuna Lorosae 1 no Fortuna Lorosae 2.
JHD organiza eventu ne’e Tan hetan Apoiu fundus husi PT Abadi Corak Biskuit Factory Indonézia ho totál orsamentu hamutuk $2,950 USD.
Premiu ba Kampeaun Primeiru Lugar sei hetan Osan montante 500 dólar ho Tasa Rotativa no segundu Lugar seie hetan fundus 300 no terseiru Lugar sei hetan Osan ho montante 200
Charlly Junior
