DILI — Atleta Na’in 5 husi Modalidade 5 sei ba tuir formasaun iha rai li’ur, hodi perpara ba Olimpiku 2024 iha París. Perparasaun ne’e apoiu husi Olimpiku Solidadridade liu husi Komité Olimpiku Nasional Timor-Leste (CONTL) ho totál orsamentu hamautuk 1.4 millaun.
Atleta na’in 5 ne’e husi Modalidade 5 ne’e mak hanesan, Ana da Costa, husi Modalidade Taekwondo, Manuel Amaral husi Modalidade Atletizmu, José Valente husi Modalidade Halterofilizmu, no Jolanio Guterres husi Modalidade Natasaun, no mós atleta Izorania Das Dores husi Badminton.
Federasaun 5 ne’e sei ba tuir formasaun iha fatin ne’ebé mak la hanesan.
Atletismu sei ba tuir formasaun iha Portugál, Power lifting sei ba tuir formasaun iha Tailandia, Badminton sei ba iha Indonézia, no Taikondow sei ba hala’o perparasaun iha Corea do Súl no ikus liu Natasaun mós sei ba hala’o perparasaun iha Austrália.
“Hau fo kongratula ba ita nia atleta nain lima ne’ebe hetan bolsu estudu husi olimpiku solidariedade ne’ebe sei ba halo treinamentu iha nasaun Austrália, Indonésia Korea Sul, Portugal no Tailandia durante tinan rua ho balun hodi prepara ba olimpiade iha Paris, França iha tinan 2024” dehan prezidente CONTL Francisco Kalbuady Lay ba Jornalista sira iha salaun João Paulo Comoro, Díli tersa (14/06).
Perparasaun ba Olimpiku 2024 iha París, ne’ebé mak hela de’it tinan 2 Timor Leste hetan apoiu fundus husi Olimpiku solidadridade, husi komité Olimpiku Internsional nian, tanba ne’e ho onradu tebes hakarak hato’o ba Federsaun sira hotu nia esforsu ikus mai bele atinji rezultadu di’ak.
Atleta na’in 5 ne’e hetan apoiu husi Olimpiku solidadridade, sira atu ba tuir kursu perparativu ba iha París nian
Atleta na’in 5 ne’e Durante tinan 2 nia laran atleta sira ne’e, hahú hosi deselokasaun husi Timor to’o iha fatin rai ida-idak, nesesidade loron loron no Treinamentu sei fasilita hotu husi Olimpiku solidadridade mak sei tau matan.
“Orsamentu ba atleta na’in 5 ne’e nia perparasaun ba iha París 2024 ne’e hamutuk 1.4 millaun dólar Amerikanu” nia informa
Nia deklara, Maibé antes de ida ne’e CONTL mós sei buka Meus ba Federsaun sira seluk núne’e bele hetan hotu Treinamentu ba Perparasaun iha Sea Games 2023 ne’ebé mak sei hala’o iha Cambodia.
ADS
