Dili – Federasaun Sailing Timor-Leste (FSTL), nu’udar Federasaun ne’ebé foun iha Timor, tanba tinan sira sei halo promosaun ba ba komunidade no mós estudante sira liu liu area potensial sira hanesan Ataúru ho Oe-cuse no mós Munisípiu sira seluk ne’ebé mak besik liu tasi.
Federasaun Sailing hahú eziste iha Timor Leste desde tinan 2018, tanba ne’e mak ema barak ladauk hatene Desportu Sailing
“Ami nia planu prioridade ba tinan ida ne’e no ba tinan oin nian mak, hakarak halo promosaun ba Desportu Sailing nian, tanba ema barak mak seidauk hatene saida mak Desportu Sailing” informa Sekretáriu Jerál FSTL, Bendito Soares ba JHD iha Salaun Joao Paulo Comoro Dili, tersa (15/06).
Desportu Sailing ne’e eziste atu nune’e joventude ne’ebé mak iha talentu bele envolve aan iha laran no Desportu Sailing mós nakloke ba ema hotu atu bele hatudu sira nia talentu, no bele loke sira nia klubu no Asosiasaun sira, no iha Desportu Sailing ne’e la’ós de’it joga iha klubu no Asosiasaun maibé mós bele joga individual.
“Ami sei Alerta ba komunidade sira no ba eskola sira, liu liu ami nia fatin tarjetu mak Dili Ataúru, Oe-cuse, Manatutu, Baucau fatin sira ne’e nu’udar área potensial tanba ne’e mak ami sei kontaktu ho ami nia Federsaun Internsional para bele dezenvolve” Tenik Bendito.
Nia dehan, dezafiu boot ba Federsaun Sailing nian mak fasilidade tanba ne’e sira sei ko’alia ho CONTL no Federsaun Internsional sira núne’e bele apoiu fasilidade sira.
Nia esplika, kona-ba atleta Federsaun Sailing ne’e fasil atu hetan tanba area potensial sira hanesan Ataúru ho Oe-cuse ne’e bele hamosu lais atleta tanba korida Ró ne’e ema barak mak gosta.
“Mai ita involve iha Desportu ne’ebé mak ita gosta núne’e ira bele dezenvolve Desportu ba oin” tenik nia.
ADS
