DILI–Atleta Universitariu Timor-Leste nain-30 husi modalidade lima ne’ebe prepara husi Federasaun Desportu Akademiku Timor-Leste (FDA-TL) prontu hodi kompete Asian University Games iha Tailandia iha tinan ne’e tanba agora sira halo hela preparasaun intensivu.
“Ita nia preparasaun ba partisipasaun Timor-Leste iha AUG kuaje hela de’it loron 42, ne’ebe ita prepara atleta nain-30 husi modalidade lima, Atletizmu, Voleibol Praia, Taekwondo, Futebol no Xadrez ne’ebe federasaun servisu hamutuk federasaun sira ne’ebe sira nia atleta sira sei partisipa partikularmente daudaun ne’e prepara intensivu no prontu hodi tuir kompetisaun Asean University Games (AUG) iha Thailand tinan ne’e“, prezidente FDA-TL Zeferino Viegas Tilman ba jornalista iha nia knaar fatin kampus Sentral UNTL Bairro Formosa, Díli kuarta (15/06)
prezidente hatutan, husi Modalidade lima ne’e halo ona selesaun final ba atleta fiksu sira maibé sei iha mudansa bainhira atleta sira hetan problema fiziku no saúde bele substitui sira.
Husi Federsaun lian ne’e atleta husi modalidade futebol hamutuk na’in-18, Voleibol Praia na’in 4, Xadrez na’in 4, Atletizmu na’in 2 no Taekwondo na’in 2 ho nune’e total atleta hamutuk 30 mak partisipa iha eventu refere tanba hela de’it fulan ida sira tenke preparasaun di’ak nafatin hodi ba kompete iha (AUG)
Nia hatete, atleta sira prepara iha ida-idak nia fatin tuir federasaun ida-idak nian, depois mak FDA-TL sei tau hamutuk atleta sira iha kajerna hodi prepara di’ak liu tan no federasaun halo ona komunikasaun ho governu Timor-Leste liu husi SEJD hodi apoiu orsamentu kuaze dollar amerikanu 190 mil resin tanba Timor-Leste sei ba ho ekipa boot maibé hein de’it husi parte SEJD Karik sira sei hamenus tan atleta bazeia ba orsamentu.
Nia informa, sira mos komunika ona ho Komisaun organizadora iha Thailandia liu husi pedidu ne’ebé sira manda ona atu komisaun organizadora apoiu Timor-Leste iha parte balun liuliu ba livre ba kustu konsumu no kustu akomodasaun durante ekipa iha Tailândia ne’ebe ba ida ne’e sira esforsu hela iha sinal pozitivu ba ida ne’e ba Timor-Leste ne’ebé hein de’it prosesu karik konfirmasu sira sei haree de’it kustu ba ekipa Timor-Leste nia viazen.
Asian University Games ba dala 20 ne’e sei hala’o iha Tailandia hahú husi loron 26 Jullu to’o Loron 6 fulan Agostu tinan 2022
ADS
