DILI– Trofeu Nissin Gabin Cup Futsal 2022, ne’ebé mak organiza hosi média online joventude Hadomi Desportu (JHD) ho Objetivu atu selebra loron Restaurasaun Independensia Timor Leste ba dala XX sexta feira (17/06) horseik hahú abertura ona.
Iha abertura torneo Nissin Gabin Cup Futsal ne’e Manager Kompania Fortuna Lorosae Agradese ba fabrika Khong Guan Biskuit Factory Indonézia no Média online JHD.
“Primeiru ha’u hakarak husu obrigado ba Anrio Delon hosi fabrika Kang Guan, tanba hosi nia eventu ne’e bele realiza ba ita hotu, eventu ne’e ami hosi Fortuna hato’o obrigado ba JHD eventu organizadora no partsipante hotu ne’ebé mak iha eventu ne’e” dehan Manager Kompania Fortuna Lorosae liu husi nia diskursu iha kampu multifunsaun Bebora Dili, segunda (17/06).
Nia akresenta, espera eventu ne’e bele la’o ho susesu no ekipa hotu bele kompete ho sportiv no nafatin kuidadu aan.
Núne’e mós xefe suku Motael, Luis Viegas, Salienta, eventu ne’e atu komemora loron proklamasaun Indepedensia 20 Maiu nian maibé foin mak organiza tanba hosi parte Kompanha Kong Guan ho nia parseiru Fortuna Lorosae la konsege organiza tanba Kestaun tempu.
“Ohin loron Realiza ita nia atividade Nissin Gabin Cup 2022 objetivu ida ne’e oinsá atu kria amizade entre loja sira ne’ebé mak iha Munisípiu Dili” Nia Afirma.
Eventu ne’e kria hodi núne’e bele anima trabailador loja sira iha Dili laran bele konse malu
Tuir planu ba futuru eventu ne’e sei kontinua organiza nafatin hodi akumula hotu loja sira iha Munisípiu
Partispa iha eventu nissin Gabin Cup Futsal 2022 ne’e loja hamutuk 15 no tuir orariu jogu sei hala’o loron 3 hahú hosi sexta 17 to’o domingu 19 fulan ne’e.
Iha jogu abertura loke hosi Loja Meimart 2 kontra ANY Balibo no iha jogu ne’e Meimart 2 halakon nia ekipa adversariu ANY Balibo ho score 4-1
Enkuantu hosi jogu seluk YANG 88 derota ho W Four ho score 2-1.
New ABC manán Fortuna Lorosae ho score 2-0 liu husi suta penalidade hafoin Emapata ho score 1-1 iha tempu normál.
Jacinto Depart store halakon Meimart 1 ho score 3-2, ANY Balibo 2 manán Fortuna Lorosae ho score 5-0, no Star king halakon Amadea ho score 2-1
Husi rezultadu ne’e ekipa 7 ne’ebé mak hetan vitoria sei kontinua hakat ba 8 finais torneo Nissin Gabin Cup Futsal 2022.
Enkuantu ekipa ne’ebé mak derota elimina kedas hosi torneo refere
Jogu oitavu fianis ne’e sei hala’o iha loron sabadu ohin (18/06) ekipa ne’ebé 8 sei kompete hodi hadau bileti hodi hakat ba 4 Finais nian
CharllY Junior
