DILI– Federasaun Wushu Timor-Leste (FWTL), sei realiza kongresu iha fulan Jullu tinan ne’e, hodi hili prezidente foun ba periodu 2022-2026.
“Kongresu ne’e ami planu tuir loloos iha semana oin maibé iha teknika perparasaun ne’e mak atraza oituan liuliu Asosiasaun sira ne’ebé mak reprezenta hosi Asosiasaun ninian ne’ebé ohin ami Adia fali ba iha dia 10 no 11 fulan Jullu fulan oin” dehan Sekretariu jerál Federasaun Wushu Timor-Leste (FWTL) José Marcal ba Jornalista iha GDD kaikoli Dili Domingu (19/06).
Nia akresenta, katak Semana oin ne’e sira bele asegura katak kapás ona la’o di’ak ona núne’e bele organiza ho di’ak para bele realiza ona kongresu ona FWTL ba dala V ne’e.
“Neste momentu iha 2 ne’ebé ke agora propoin hela diskusaun hela maibé la taka dalan ba naran seluk ne’ebé bele mosu tanba ne’e depende ba delegasaun Asosiasaun sira ne’ebé mai hosi Munisípiu dalaruma sira mai ho sira nia pakote rasik tanba la taka dalan ba Asosiasaun sira ne’ebé hakarak propoin ba lideransa tinan 4 oin mai ba Federasaun Wushu ninia”.
Kongresu FWTL nia bá dala V ne’e iha ona Pakote rua ne’ebé mak dadaun ne’e kandidata aan ne’e mak hanesan iha pakote Primeiru lídera hosi Joao Alves Corea ho marito Neto
Pakote segundu mak Helder Mesquita ho José Marcal, maibé Federasaun mós la taka dalan ba Asosiasaun sira ne’ebé mak hakarak propoin líder ida hodi ukun FWTL durante tinan 4 oin mai.
Nia explika, Agora dadaun FWTL loke liras ona ba Munisípiu 10 tanba ne’e kada Munisípiu nian 3 hodi reprezenta Asosiasaun aumenta ho estrutura Nasional na’in 15 maibé ba sira ne’ebé iha diretu ba votu hamautuk 40.
Federasaun Whusu Timor-Leste ne’e mai hosi Kungfu Master ne’ebé mak eziste desde tinan 1962 no iha tinan 2013 nakfila sai Federasaun Wushu Timor-Leste
CharllY Junior
