DILI– Ekipa Futebool salaun hosi Loja starking susesu sai Kampeaun ba Torneo Nissin Gabin Cup Futsal 2022, hafaoin halakon W Four ho score 2-1 iha fianal, ne’ebé mak halao iha kampu multifunsaun Bebora ho Objetivu atu komemora loron restaurasaun independensia Timor Leste nia bá dala XX.
Tinan ne’e Timor-Leste ne’e Kompleta ona 20 anos Restaurasaun Independensia, ho núne’e Kompanha Khong Guan Biskuit Factory hosi nasaun vizinu Indonézia hakarak selebra loron importante ba Timoroan sira ne’e ho jogu Futsal ba traballador sira ne’ebé mak durante ne’e serbisu iha Loja hodi kontribuia ona ba Timor.
Torneo Nissin Gabin Cup Futsal ne’ebé mak hala’o durante loron tolu ne’e termina ona no iha eventu ne’e ekipa Trabailador sira hosi loja starking mak sai Kampeaun ba Torneo refere hafoin halakon nia adversáriu W Four ho score 2-1 iha fianal.
Ho núne’e ekipa Futsal hosi loja starking iha mak iha direitu atu hetan osan ho montante 500 dólar ho Tasa ida.
Enkuantu ekipa W Four ne’ebé mak sai segredu Lugar iha diretu atu hetan premiu osan ho montante 300 dólar.
Núne’e mós ekipa Jacinto Departant Store ne’ebé mak sai terseiru Lugar ba Torneo Nissin Gabin Cup hafaoin halakon nia ekipa adversariu ANY Balibo ho score 4-3 ne’e iha diretu atu hetan osan ho montante 200 dólar Amerikanu.
Aleinde ne’e mós ekipa sira ne’e hetan sertifikadu apresiasaun tanba partispa ona eventu Nissin Gabin Cup Futsal 2022 ne’e.
Hafoin remata na’in ba Kompanha starking Lay Soi King, hatete, Situasaun ekonomia sira haree Desportu sira halo amizade halo buat sira ne’e kapás.
“ita espera tinan oin bele sei partisipa ho di’ak liu tan ida ne’e ho tempu ne’ebé limitadu maibé rezultadu kapás ” tenik nia
Iha fatin hanesan kapitaun ekipa starking, Aping Lay, hatete, jogu ne’e kapás no no sira sente orgullu bele sai Kampeaun ba eventu ne’e
“Jogu ne’e kapás durante loron 3 ne’e la’o ho di’ak no ha’u sente amizade tebes, karik ba futuru iha nafatin ami prontu nafatin hodi tuir” tenik nia
Núne’e mós kapitaun hosi Loja W Four, Armindo de Jesus, hatete, “ohin primu parte ami empata ho score 0-0, maibé tama segunda parte ami lídera uluk maibé sira responde golu rua ami esforsu hodi halo empata score maibé desizaun la hanesan ho ami nia hakarak“
Enteretantu torneo Nissin Gabin Cup Futsal 2022 ne’e organiza hosi média online Joventude Hadomi Desportu (JHD), tanba hetan apoiu hosi Fabrika Khong guan Biskuit Factory Indonézia no Fortuna Lorosae.
Torneo ne’e hetan partisipasaun hosi loja hamutuk 15 iha Dili laran no torneo ne’e abertura iha sexta loron 17 no termina iha loron 19 fulan Junu
CharllY Junior
