spot_imgspot_imgspot_imgspot_img
spot_imgspot_imgspot_imgspot_img
More

    “Komemora Restaurasaun Independensia TL ba dala 20” Trabailador Loja sira Agradese ba fabrika Khong Guan Biskuit

    DILI– Trabailador Loja sira iha Dili laran, agardese ba fabrika Khong Guan Biskuit Factory, ne’ebé mak ho laran luak organiza ona eventu Nissin Gabin Cup Futsal 2022, hodi komemora loron restaurasaun independensia Timor Leste nia bá dala 20.

    Eventu ne’e Nissin Gabin Cup ne’e hetan apoiu hosi fabrika Khong Guan Biskuit Factory hosi Indonézia liu husi Kompanha Fortuna Lorosae hanesan supplier iha Timor-Leste, no entrega ba Média online Joventude Hadomi Desportu (JHD) hodi organiza eventu refere.

    Eventu ne’e ho objetivu atu komemora loron restaurasaun independensia Timor Leste nian ba dala XX hosi loron 20 fulan Maiu tinan 2002 too tinan 2022.

    Torneo ne’e loke ba loja sira iha Dili laran no hetan partisipa hosi loja 15 no loja sira agradese tebes ba PT Abadi Corak Biskuit Factory Indonézia tanba ho fuan boot organiza eventu ne’e hodi selebra Timor Leste nia loron restaurasaun independensia.

    Ami agradese tebes ba komisaun organizadora tanba halo eventu furak ida ne’e traballador ba loja iha Dili laran bele mai halo jogu no prontu partispa ba eventu tuir mai” dehan reprezentante Loja Fortuna Lorosae 2 ba JHD hafoin remata jogu iha kampu Futsal Bebora Dili sesta (17/06).

    Maske iha jogu ne’e sira derota maibe sira kontente no agradese ba komisaun organizadora sira tanba sira bele fo tempu sira partisipa jogu ne’e.

    Iha sorin seluk reprezentante hosi Amadea Elisio hatete, ohin sira halo jogu diak  maski sira lakon maibe sira kontente nafatin tanba lakon ka manan ne’e normal akontese iha jogu,  sira agradese ba komisaun sira tanba fo oportunidade ba trabalador sira joga no sira prontu tuir eventu tuir mai.

    Núne’e mós reprezentante, Jacinto Gudang, Francisco Oliveira,  nia agradese ba komisaun organizadora tanba sira nu’udar traballador bele joga hodi halo relasaun diak ho traballador husi loja sira seluk

    Ha’u agradese ba komisaun organizadora tanba sira nu’udar traballador bele joga hodi halo relasaun diak ho traballador husi loja sira seluk” tenik Fransisco.

    Núne’e mós  reprezentante, Lucky Strike Jonier do savio,  agradese ba komisaun organizadora sira bele halo evntu ne’e ba traballador sira no sira prontu tuir nafatin ba tempu tuir mai.

    Agradese ba komisaun organizadora sira bele halo evntu ne’e ba traballador sira no karik ba futuru nafatin realiza ami prontu tuir nafatin ba tempu tuir mai” nia tenik.

    Aleinde ne’e mós  reprezentante Jacinto Store Beni da Silva, hatete, sira agradese tebes ba komisaun organizadora husi kompania Gabin tanba halo jogu na traballador loja sira halo jogu amizade hodi kunese malu halo relasaun nu’udar kolega nu’udar Timoroan.

    Enteretantu iha jogu loron dahuluk ne’e klabu hamutuk 14 mak joga no hosi klubu sira ne’e klubu 7 mak hakat ba 8 fianis no klubu 7 ne’ebé mak derota elimina kedas hosi torneo Nissin Gabin Cup Futsal 2022.

    Hosi loja 7 ne’ebé mak hakat 8 finais mak hanesan Meimart 2, W FOUR UNIP. Lda, NEW ABC, Jacinto Depart store, Jacinto Gudang, ANY Balibo, no starking ekipa 7 ne’e mak iha direitu hodi kompete iha 8 finais.

    Enkuantu ekipa ne’ebé mak derota hanesan ANY Balibo 1, YANG 88, Fortuna Lorosae 1, Meimart 1, lucky straike, Fortuna Lorosae 2, no Amadea ne’ebé mak sofre derota obrigado tenke elimina hosi torneo Nissin Gabin Cup ne’e tanba jogu ne’e ho sistema bota fora ka lakon sai.

    ADS

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img