DILI – Confederação Desporto Timor-leste (CDTL sigla portuges) fo koñesimentu media baziku ba media officer federasaun 11 atu nune’e sira bele halo publikasaun diak iha sira-nia federasaun ida-idak no bele servisu diak ho jornalista sira.
CDTL liu husi departamentu IT no publisidade organiza atividade fo koñesimentu ba media officer husi federasaun 11
“Ohin ami fo atividade ba media officer sira husi federasaun 11 atu nune’e sira iha kunesimentu ba kode etika jornalista, atu media ruma halo publikasaun ba sira, sira bele hato’o protesta ruma tuir lei. “, vise-prezidente CDTL Inocêncio Araújo da Silva ba jornalista sira iha nia knaar fatin Caicoli, Díli kuarta (22/02).
Atividade ne’e realija ho objetivu atu media officer sira iha koñesimentu natoon kona-ba atividade jornalismu no bele halo verifikasaun ba notisia ne’ebé media sira hasa’e tuir dunik kode etika ka lae.
Nia dehan, ohin labele temi formasaun tanba tempu oras ida la sufisiente maibe fo kunesimentu deit ba sira karik formasaun ba futuru karik sei haree hodi halo kompletu tanba agora iha limitasaun no ba oin mos sei iha programa seluk ba area IT nian
Media officer sira husi federasaun 11 mak federasaun Taekwondo, Voleibol, Krikete, Kempo, Sailing, Aikido, Xadres, Fhakuptil, Karate-Do, Siklismu no Boxing.
ADS
