DILI- Asosiasaun Futsal Timor-Leste (AFTL) sei reativa treinamentu selesaun nasional futsal iha segunda-feira, semana oin, hafoin simu konvite hodi ba partisipa iha Príncipe de Mónaco 2022, iha Fransa.
Hafoin fila husi eventu internasional fulan Abril iha Thailandia AFTL hahú bolu fila fali selesaun nasional futsal, atu nune’e bele reativa fali treinamentu iha segunda feira, semana oin. Hodi prepara ba Tasa Prinsipe Monaco iha fulan jullu.
“Ita sei halo reativasaun treinamentu ba selesaun nasional futsal ne’ebe ita sei komesa iha segunda-feira, semana oin tuir orariu segunda to’o sesta iha oras tuku neen loraik kona-ba kampu sei ita sei husu kampu BOP, F-FDTL no FFTL ida ne’ebe disponível ba ita atu uza” sekretariu jeral AFTL Fernando Baptista ba jornalista JHD iha Xanana Sport Center Bairro Formosa, Díli sesta (24/06)
Sekretariu Jeral hatutan, Antes ne’e AFTL iha programa treinu regular ba selesaun nasionál futsal hafoin partisipa kompetisaun AFF Futsal Championship iha Tailandia, atu bele preparadu bakompetisauun internasional.
Kovite ba Selesaun Nasional Futsal hodi partisipa iha Tasa Prinsipe Monaco ne’e hato’o liu husi Asesora Edukasaun no Desportu iha Gabinete Prezidente. Iha ne’ebé tuir komvite Tasa ne’e sei realiza iha fulan oin, Jullu tinan ne.
Enkuantu, reativasaun ne’e sei akontese ho regra balun kona-ba disiplinasaun jogador nian, hanesan; sei hasai jogador ne’ebé la tuir treinu durante loron tolu hodi fo opurtunidade ba jogador seluk, jogador labele tuir kompetisaun iha liur.
ADS
