DILI-Federasaun Futebol Timor-Leste (FFTL) ho Orgaun Liga Futebol Timor-Leste (LFTL) konkorda malun iha kinta feira ne’e, atu jogu Liga Timorense epoka 2022 akontese iha loron 18 fulan Agostu.
Liga Timorense Epoka 2022 to’o fulan ida ne’e seidauk de’it kick of tan durante ne’e jogador barak mak ba kompete jogu Internasional hodi halo klube barak menus jogador. Nune’e, ohin LFTL hasoru malun ho FFTL hodi kria enkontru pra-preparasaun ba kick off primeira no segunda divizaun iha fulan Agusto.
“Kalendariu serteza Liga Timorense epoka 2022 ne’ebe federasaun fo hatene ba orgaun liga, tuir orariu FIFA no AFC hahu iha loron 18 fulan agostu tinan ne’e ba Kick off divizaun dahuluk no daruak Liga Timorense” diretor relasaun publika Diogo N. Fraga ba jornalista sira iha edifisiu FTTL Bairo Formosa, Díli kinta (23/01)
Iha enkontru refere parte rua mos koalia kona-ba orariu jogu, utiliza estadion, transferensia jogador nasional no internasional no insentivu finanseiru ba klube sira. Nune’e, ida-idak bele halo preparasaun bazeia ba ida-idak nia kompetensia.
Enkuantu, Tuir Sekretáriu Jerál FFTL katak hakarak ou lakoi liga Timorense epoka ne’e akontese iha fulan agustu, hodi responsabiliza ba buat ne’ebé hato’o on aba FIFA.
“Ita nia Liga Timorense epoka ne’e hakarak ka lakoi loron 18 fulan agostu tinan ne’e tenki la’o tanba ita hato’o ona ba FIFA ne’ebe durante ne’e ita labele hala’o antes ne’e tanba jogador sira ba kompete iha jogu internasional iha rai liur hodi halo ita nia klube barak menus jogador ne’ebe ita hahu iha fulan agostu no remata iha fulan marsu ka abril“, Gregório dehan
Sekretariu jeral ne’e informa, ohin hasoru malu laos ida ne’e deit ona maibe hasoru malu beibeik para servisu parte rua ne’e armonia. no possibilidade sei uza stadium iha munisipiu Baucau, Ermera no Bobonaro tanba stadium Munisipal Dili sei realibilita iha tempu badak maibe jarik tarde oituan uza Stadium Munisipal Dili.
Ba oin, tuir desizaun iha enkontru semana oin sei publika ba publiku no klube sira atu bele halo preparasaun no data rejistu nian.
ADS
