DILI- Federasaun Futebol Timor-Leste (FFTL) la iha kompetensia atu rezolve problema Klubu Lalenok United Fc, ho jogador Internsional, Italo Soares Pementel, tanba regulamentu husi Federsaun International Futebol Asosiasaun (FIFA sigla ingles) la fó dalan dalan atu rezolve tanba problema ne’e entre jogador ho klube.
“Ita laos lakoi atu rezolve problema klube Lalenok United Fc, ho jogador internasional Italo Soares Pementel maibé tanba regulamentu FIFA mak la fo dalan tanba ne’e problema entre jogador ho klube ne’ebé ami la iha kompetensia ba ida ne’e maibé fó assistensia no ponte hodi akompana prosesu to’o remata husik klube ho Jogador no FIFA mak rezolve problema ne’e“, adjuntu sekretariu jeral FFTL Frederico Martins ba Jornalista sira iha nia knaar fatin Bairro Formosa, Díli tersa (28/06).
Adjuntu sekretariu hatutan, karta ne’ebé federasaun simu husi Klube ne’e desizaun Lalenok United Fc, nian ne’e bazeia ba problema internal ne’ebé akontese ba klube refere kona ba disputa jogador estranjeiru Italo Soares ne’ebé jogador ne’e lori problema ne’e to’o tribunal FIFA nian ne’ebé prosesu komunikasaun ne’e direita entre klube Lalenok United Fc, ho FIFA ne’ebé federasaun la inklina an iha ne’ebá kona ba problema Klube lá fó salariu ba jogador estranjeiru ne’e FIFA hasai sansaun dahuluk ba klube obrigatóriu selu jogador nia salariu ne’ebé klube la halo aksaun entaun FIFA hasai desizaun final klube labele rejistu jogador nasional no internasional durante epoka ida ne’e difikulta tebes klube Lalenok United Fc, ne’ebé halo sira foti desizaun rezigna an husi Liga Timorense epoka ne’e.
Nia dehan, federasaun esforsu oan koalia ho FIFA maibé sira foti desizaun katak ne’e problema Jogador ho klube ne’ebé federasaun akompana de’it prosesu ne’e tanba klube kontratu jogador lá informasaun ne’ebé federasaun simu notifikasaun dahuluk no final husi FIFA de’it ne’ebé pozisaun federasaun nian mak akompana posesu no informa desizaun husi FIFA ba klube.
Nia Salienta, kompetensia ne’e husi klube mak koalia direita ho FIFA hodi resolve probelma ne’e tanba federasaun labele ko’alia ho jogador atu konsidera klube nia difikuldade durante pandemia covid-19 jogu lá lao ne’ebé klube labele hetan retornu hodi selu jogador refere ne’ebé FIFA hasai informasaun katak ne’e problema entre jogador ho klube federasaun lá iha kompetensia hodi rezolve.
Frederico explika, problema hanesan ne’e mak federasaun hato’o beibeik ba klube sira tenki kuidadu didiak kontratu jogador estranjeiru sira tanba kuandu la halo tuir kontratu ne’ebé iha sei difikulta klube sira hodi haree ba durasaun Liga Timorense ne’ebé Timor-Leste iha karik jogu hala’o fulan neen kontratu mos fulan tuir kapasidade klube nian labele kontratu to’o tinan lima dala ida.
Entretantu iha loron 23 fulan junu 2022 prezidente Lalenok United FC Pedro Belo dirije karta ba FFTL no LFTL, hodi rezigna husi Liga Timorense epoka ne’e tanba problema Italo Soares keixa to’o FIFA ikus mai FIFA foti desizaun katak durante Pandemia covid-19 Klube lá fo salariu ba jogador ho montante 7,500.00 USD afeta tebes ba dignidade Klube Lalenok nian no kontratu jogador klube hatama ba FFTL maibe federesaun la ajuda klube hodi rezolve no buka solusaun ba problema entre Klube ho jogador Ítalo Soares maibe klube mak sala nafatin tanba ne’e klube deside hodi taka atividade futebol ne’ebe FFTL no LFTL organiza ba rai liur no rai laran inklui rezigna husi Liga Timorense epoka 2022.
Lalenok United nu’udar klubu zigante ida hafoin promovidu ba segundu divizaun iha tinan 2017 no promove aan ba Primeira Divizaun hafoin okupa segunda klasifikasaun iha tinan 2018.
Iha tinan 2019 Lalenok United susesu sai Kampeaun ba Liga Futebool Amadora (LFA) no Kampeaun ba Tasa 12 de Novembru no mós sai Kampeaun ba super Tasa 2019
Iha tinan 2020 zigante Munisípiu Dili ne’e susesu sai Kampeaun ba Kopa FFTL, no iha tinan 2021 Lalenok United nafatin hatudu nia superioridade hodi okupa iha segunda klasifikasaun Liga Timorense 2021.
Lalenok United Fc, mós reprezentanta ona LFA hodi kompete iha play off AFC Cup, iha tinan 2020.
ADS
